2014 jylǵy 24 aqpan Astana, Úkimet Úıi
Ákimshilik-aýmaqtyq birlikterge, eldi mekenderdiń quramdas bólikterine ataý berý, olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý kezinde tıisti aýmaq halqynyń pikirin eskerý qaǵıdalaryn bekitý týraly
«Qazaqstan Respýblıkasynyń ákimshilik-aýmaqtyq qurylysy týraly» 1993 jylǵy 8 jeltoqsandaǵy Qazaqstan Respýblıkasynyń Zańy 14-1-babynyń 1-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Ákimshilik-aýmaqtyq birlikterge, eldi mekenderdiń quramdas bólikterine ataý berý, olardy qaıta ataý, sondaı-aq olardyń ataýlarynyń transkrıpsııasyn naqtylaý jáne ózgertý kezinde tıisti aýmaq halqynyń pikirin eskerý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2014 jylǵy 24 aqpandaǵy №138 qaýlysymen bekitilgen
Ákimshilik-aýmaqtyq birlikterge, eldi mekenderdiń quramdas bólikterine ataý berý, olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý kezinde tıisti aýmaq halqynyń pikirin eskerý qaǵıdalary
1. Jalpy erejeler
1. Osy Ákimshilik-aýmaqtyq birlikterge, eldi mekenderdiń quramdas bólikterine ataý berý, olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý kezinde tıisti aýmaq halqynyń pikirin eskerý qaǵıdalary «Qazaqstan Respýblıkasynyń ákimshilik aýmaqtyq qurylysy týraly» Qazaqstan Respýblıkasy Zańynyń 14-1-baby 1-tarmaǵyna sáıkes ázirlendi jáne aýyldarǵa, kentterge, aýyldyq okrýgterge, qaladaǵy aýdandarǵa, qalalarǵa, aýdandarǵa, shaǵyn aýdandarǵa, alańdarǵa, dańǵyldarǵa, býlvarlarǵa, kóshelerge, tuıyq kóshelerge, saıabaqtarǵa, skverlerge, kópirlerge jáne eldi mekenderdiń basqa da quramdas bólikterine (budan ári – eldi mekenderdiń quramdas bólikteri) ataý berý jáne olardy qaıta ataý, sondaı-aq olardyń ataýlarynyń transkrıpsııasyn naqtylaý jáne ózgertý kezinde tıisti aýmaqtaǵy halyqtyń pikirin eskerýdiń tártibin anyqtaıdy.
2. Jergilikti atqarýshy organdar oblystarǵa, aýdandarǵa, respýblıkalyq jáne oblystyq mańyzy bar qalalarǵa, astanaǵa, qaladaǵy aýdandarǵa, eldi mekenderdiń quramdas bólikterine ataý berý jáne olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý kezinde tıisti aýmaq halqynyń pikirin eskerýdi uıymdastyrady jáne máslıhattardyń qaraýyna engizedi.
3. Kentterge, aýyldyq okrýgterge, aýyldarǵa, aýdandyq mańyzy bar qalalarǵa, eldi mekenderdiń quramdas bólikterine ataý berý jáne olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý kezinde tıisti aýmaq halqynyń pikirin eskerýdi jergilikti atqarýshy organdar men kentterdiń, aýyldyq okrýgterdiń, aýyldardyń, aýdandyq mańyzy bar qalalardyń ákimderi jergilikti qoǵamdastyq jınalystaryn ótkizý arqyly uıymdastyrady.
2. Oblystarǵa, aýdandarǵa, respýblıkalyq jáne oblystyq mańyzy bar qalalarǵa, qaladaǵy aýdandarǵa, eldi mekenderdiń quramdas bólikterine ataý berý jáne olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý kezinde tıisti aýmaq halqynyń pikirin eskerý tártibi
4. Tıisti jergilikti atqarýshy organdar oblystarǵa, aýdandarǵa, respýblıkalyq jáne oblystyq mańyzy bar qalalarǵa, qaladaǵy aýdandarǵa, eldi mekenderdiń quramdas bólikterine ataý berý jáne olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý kezinde tıisti aýmaq halqynyń pikirin eskerý úshin qajetti materıaldardy tıisti máslıhattardyń qaraýyna engizedi.
5. Tıisti aýmaq halqynyń pikiri máslıhattyń turaqty komıssııalarynyń ótkizilgen kópshilik tyńdaýlarynyń negizinde eskerilip, hattamamen resimdeledi.
6. Tıisti máslıhattardyń turaqty komıssııalarynyń hattamalary jeti jumys kúni ishinde jergilikti atqarýshy organdardyń ınternet-resýrstarynda ornalastyrylady jáne tıisti ákimshilik-aýmaqtyq birliktiń aýmaǵynda taralatyn buqaralyq aqparat quraldarynda jarııalanady.
7. Tıisti máslıhattardyń turaqty komıssııalarynyń hattamasymen resimdelgen oblystarǵa, aýdandarǵa, respýblıkalyq jáne oblystyń mańyzy bar qalalarǵa, qaladaǵy aýdandarǵa, eldi mekenderdiń quramdas bólikterine ataý berý jáne olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý kezinde tıisti aýmaq halqynyń eskerilgen pikiri Qazaqstan Respýblıkasynyń qoldanystaǵy zańnama talaptaryna sáıkes tıisti onomastıka komıssııalarynyń qaraýyna usynylady.
3. Aýyldarǵa, kentterge, aýyldyq okrýgterge, aýdandyq mańyzy bar qalalarǵa, eldi mekenderdiń quramdas bólikterine ataý berý jáne olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý kezinde tıisti aýmaq halqynyń pikirin eskerý tártibi
8. Aýyldarǵa, kentterge, aýyldyq okrýgterge, aýdandyq mańyzy bar qalalarǵa, eldi mekenderdiń quramdas bólikterine ataý berý jáne olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý kezinde tıisti aýmaq halqynyń pikirin eskerý úshin jergilikti atqarýshy organdar aýyldardyń, kentterdiń, aýyldyq okrýgterdiń, aýdandyq mańyzy bar qalalardyń ákimderimen birlese otyryp:
1) jergilikti qoǵamdastyq jınalysyn ótkizý merzimin anyqtaıdy jáne onyń ótkiziletin kúnine deıin kúntizbelik otyz kúnnen keshiktirmeı ózderiniń ınternet-resýrsynda ornalastyrylady (bar bolsa) jáne tıisti aýmaqta taralatyn buqaralyq aqparat quraldarynda jınalystyń kún tártibi, ótkiziletin kúni, orny jáne ýaqyty kórsetilgen habarlandyrý ornalastyrady;
2) ózderiniń ınternet-resýrstarynda (bar bolsa) jáne buqaralyq aqparat quraldarynda qajetti qujattar men materıaldardy ornalastyrady.
9. Aýyldarǵa, kentterge, aýyldyq okrýgterge, aýdandyq mańyzy bar qalalarǵa, eldi mekenderdiń quramdas bólikterine ataý berý jáne olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý kezinde tıisti aýmaq halqynyń pikirin eskerý ashyq daýys berý arqyly júzege asyrylyp, onyń qorytyndysy boıynsha sheshim qabyldanady. Daýys berý qorytyndysy jınalys ótken jerde jarııalanyp, hattamamen resimdeledi.
10. Hattamada «qoldap» nemese «qarsy» daýys bergenderdiń jalpy sany kórsetiledi. Hattamaǵa jergilikti qoǵamdastyq jınalysyna qatysqandardyń tizimi qosa tirkeledi.
11. Jergilikti qoǵamdastyq jınalysynyń hattamalary ol ótkizilgennen keıin jeti jumys kúni ishinde jergilikti atqarýshy organdardyń ınternet-resýrstarynda (bar bolsa) jáne tıisti ákimshilik-aýmaqtyq birliktiń aýmaǵynda taralatyn buqaralyq aqparat quraldarynda jarııalanady.
12. Jergilikti ókildi jáne atqarýshy organdar tıisti aýmaq halqynyń pikirin eskerýdiń qorytyndysy boıynsha birlesken sheshimmen tıisti onomastıka komıssııalarynyń qaraýyna aýyldarǵa, kentterge, aýyldyq okrýgterge, eldi mekenderdiń quramdas bólikterine ataý berý jáne olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý boıynsha usynys engizedi.
13. Aýyldardyń, kentterdiń, aýyldyq okrýgterdiń, aýdandyq mańyzy bar qalalardyń ákimderi tıisti aýmaq halqynyń pikirin eskerý qorytyndysy boıynsha aýdandyq jergilikti atqarýshy organdarǵa eldi mekenderdiń quramdas bólikterine ataý berý jáne olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý boıynsha usynys engizedi.
14. Aýdandyq jergilikti atqarýshy organdar tıisti onomastıkalyq komıssııalardyń qaraýyna aýyldardyń, kentterdiń, aýyldyq okrýgterdiń, aýdandyq mańyzy bar qalalardyń eldi mekenderdiń quramdas bólikterine ataý berý jáne olardy qaıta ataý, sondaı-aq olardyń ataýlarynyń transkrıpsııasyn naqtylaý men ózgertý boıynsha usynys engizedi.