Aqtóbe oblysyna Pfizer vaksınasynyń 40 myń dozasy jetkizildi. Jalpy óńirde 93 myń adam osy vaksınamen egiledi dep josparlanǵan, dep habarlaıdy Egemen.kz.
Aqtóbe oblysynda bir táýlikte 18 adamnan koronavırýs ınfeksııasy anyqtaldy. Onyń 15-i derttiń sımtomdy túrine shaldyqqan. Oblystyq densaýlyq saqtaý basqarmasy basshysynyń orynbasary Bekbolat Izbasarovtyń aıtýynsha, qazir COVID-19 juqtyrǵan 24 balanyń bári ambýlatordy túrde em qabyldap jatyr. Al eki júkti áıel aýrhanada, dárigerler baqylaýynda.
«Aqtóbe oblysyna Pfizer vaksınasynyń 40 myń dozasy jetkizildi. Qazir emhanalarǵa úlestirilip jatyr. Balalardy, júkti áıelderdi, bala emizetin analardy vaksınasııalaý bastaldy dep aıtýǵa bolady. Ata-analarǵa túsindirý jumystary da qatar júrgizilip jatyr. Ázirge naqty sanyn aıta almaımyz», dedi Bekbolat Izbasarov.
Aıtyp óteıik, búginde Aqtóbede 147 adam ınfeksııalyq stasıonarlarda em qabyldap jatyr. Onyń 16-y jaqsaqtaý bóliminde. Ekeýi ókpeni jasandy jeldetý apparatyna qosylǵan. Búgingi kúnge deıin oblysta 34 myńnan astam COVID-19 juqtyrsa, onyń 98,1% jazylyp shyqty.