Úndistannyń ońtústik-shyǵysyndaǵy Andhra-Pradesh shtatynda qatty mýssondyq nóser jáne onyń saldarynan bolǵan sý tasqynynan kem degende 41 adam qaza tapty, 100-den astam turǵyn iz-túzsiz joǵaldy, dep habarlaıdy Egemen.kz.
Bul týraly The Times of India basylymy jazady.
18 qarasha kúni keshke bastalǵan nóser saldarynan Raıalasıma men Nellýrý okrýgterinde 1 316 aýyldy sý basyp, ondaǵy qalypty ómirdi buzdy. Sý tasqyny saldarynan Tırýpatı qalasyndaǵy kópirler qırap, qalaǵa aparatyn temirjol jáne avtokólik qatynasy toqtady.
Bılik zardap shekken aýdandarda qutqarý jumystaryn júrgizip jatyr. Oǵan Áýe kúshteri men tabıǵı apattarmen kúres jónindegi qyzmettiń tikushaqtary jumyldyryldy.