AQSh-tyń Kalıfornııa shtatynda erli-zaıyptylar óz aýlasynan 10 mln. dollarǵa baǵalanǵan qazyna taýyp aldy. Bul týraly RIA «Novostı» habarlady.
Qazyna ıeliriniń múddesin qorǵaýdy óz qolyna alǵan «Kagin’s» qarjy kompanııasynyń ókilderi málimdegendeı, erli-zaıyptylar ótken jyldyń sáýir aıynda óz aýlasynan segiz qańyltyr quty tapqan. Qutylardyń ishinen shyqqan 1,4 myńǵa jýyq altyn tıyn XIX ǵasyrdyń ortasy men sońyna jatqyzyldy.
Kompanııa qazynany tapqan erli-zaıyptylar týraly qandaı da bir aqparat berýden bas tartyp otyr. Olardyń aıtýynsha, erli-zaıyptylar ózderi jóninde aqparat berilmeýin suraǵan...
Aıdar О́risbaev.
Derekkóz: Ria.ru.
Foto: Reuters.com.