Bul týraly Indýstrııa jáne ınfraqurylymdyq damý mınıstri Beıbit Atamqulov Úkimet otyrysynda aıtty, dep jazady Egemen.kz.
«Otandyq óndirýshilerdi qoldaý úshin ulttyq ekonomıkanyń ózindik strategııalary iske asyrylyp jatyr. 2020 jyldan bastap jergilikti qamtý úlesi artyp, kórsetkish 1,3% qurady. Bıyl 9 aıdyń qorytyndysynda retteletin satyp alýdyń jalpy kólemi 12,9 trln teńgeni qurady. Jergilikti qamtý úlesi 6,4% ósip, 58,3% qurady», dedi mınıstr.
Atamqulov ataǵandaı, sýbektiler boıynsha eń joǵary ósim memlekettik satyp alýda - 6,2%, ulttyq kompanııalardaǵy satyp alýlarda - 0,8% jáne jer qoınaýyn paıdalanýshylar - 12,8% ósim kórsetti.
«Memleket basshysynyń tapsyrmasyna sáıkes jyl basynda ınfraqurylymdyq jobalardy iske asyrý kezinde memlekettik satyp alýlarda málimdelgen jergilikti qamtý kórsetkishteri boıynsha derekter salystyryldy. Nátıjesinde 14 óńirde kórsetkishterdiń artyq ekeni anyqtaldy. Osyǵan baılanysty tıisti usynystar berildi. Memleket basshysy 2025 jylǵa deıin jyl saıyn tekserý júrgizýdi tapsyrdy», dedi Beıbit Atamqulov.