QR Premer-Mınıstri Asqar Mamın Úkimet otyrysynda koronavıýrsqa qarsy qaıta vaksınalaý sharalary boıynsha tapsyrmalar berdi, dep habarlaıdy Egemen.kz.
«Korornavırýs ınfeksııasynan qorǵanýdyń mańyzdy tásili vaksınalaý. Sondyqtan onyń qarqynyn odan ári ulǵaıtý kerek. Búginde birinshi komponentti 8,7 mln adam saldyrdy. Bul – 18 jastan asqan turǵyndardyń 76 paıyzy. Ekinshi komponentti shamamen segiz mıllıon adam aldy. Bul vaksına alýǵa jatatyn halyqtyń 70 paıyzyna jýyq», dedi Úkimet basshysy.
Onyń aıtýynsha, tumaýǵa qarsy vaksınalaý deńgeıi qajetti kontıngenttiń 99 paıyzynan asqan.
«Keshe óńirlerdiń bárinde koronavırýs boıynsha qaıta vaksınasııalaý bastaldy. Ol úshin vaksına qory jetkilikti. Vaksınalardy saqtaý men tasymaldaý rejımin saqtaý asa mańyzdy. Ákimderge atalǵan máselelerdi jeke baqylaýda ustaýdy tapsyramyn. Eraly Toǵjanov jalpy baqylaý ózińizde», dedi Asqar Mamın oǵan qarata aıtqan sózinde.