Bul týraly Saýda jáne ıntegrasııa mınıstri Baqyt Sultanov Úkimet otyrysynda aıtty, dep jazady Egemen.kz.
«Mınıstrlik táýelsiz uıymdardy tarta otyryp, tutynýshylardyń quqyǵyn qorǵaý máselesi boıynsha áleýmetik saýalnama júrgizdi. El turǵyndarynyń basym narazylyǵy medısına qyzmetterine 46 paıyz, baılanys qyzmetine 36 paıyz, qalalyq qoǵamdyq kólikke qatysty 36 paıyz úlesinde anyqtaldy», dedi ol.
Sultanov ataǵandaı, bul salalarda tutynýshylardyń quqyǵyn qorǵaý problemasy júıeli sıpatqa ıe.
«Sondyqtan memlekettik organdar tutynýshylardyń narazylyǵy týyndaıtyn salalarǵa taldaý júrgizý kerek. Memleket aldynda qoǵam men bıznes múddeleri arasyndaǵy tepe-teńdikti ornatý jumysy tur. Qazir taýarlardyń sapasy men qaýipsizdigin ornatýǵa arnalǵan 3 myńǵa jýyq standart engizildi. Jyldan jylǵa ótinish artyp kele jatqan ekonomıka salasyna erekshe nazar aýdarý qajet», dedi Baqyt Sultanov.