BARLYQ EL ALAŃDAP OTYR
Ýkraınada bolyp jatqan oqıǵalar meni qatty alańdatty. Halyq pen bıliktiń birin-biri syılamaýynyń, bir-biriniń sózderine, tilekterine qulaq aspaýynyń sońy osyndaı qantógiske ákeldi. Barynsha keńpeıildi, qonaqjaı Ýkraına bir-aq sáttiń ishinde álem qaýymdastyǵyna qaýip pen qaterdiń aımaǵy bolyp tanyldy. Eldegi turaqsyzdyqqa basshylyqtyń saıası erik-jigeriniń joqtyǵy, sonymen qatar, aıtqan sózderi men isiniń alshaqtyǵy kináli bolyp otyr. Halyqtyń pikirimen sanaspaýdyń, ony elemeýdiń aqyry osyndaı qyrǵynǵa soqtyrdy. Osy jerde qazaqtyń «birlik bar jerde tirlik bar» degen danalyǵy aýyzǵa oralady. Qazaqstandyqtar birligine eshqashan syna qaqtyrǵan joq. Oǵan Elbasy Nursultan Nazarbaevtyń durys saıasaty, Qazaqstandy qaıtse de alǵa aparamyn, qaıtse de halqymdy jaqsy turmysqa jetkizemin degen ulan-ǵaıyr eńbegi jaǵdaı jasap otyr. Barlyq halyqtar da, barlyq ulttar da óz elderiniń irgesi sógilmegenin, birligine syzat túspegenin qalaıdy. Barlyq halyq ta tynysh ómir súrip, urpaq ósirgisi keledi. Prezıdent N.Nazarbaevtyń saıasaty naq osyny kózdeıdi jáne táýelsizdik jyldarynda Qazaqstannyń qolyn soǵan tolyq jetkizdi. Memleket basshysynyń jalpyadamzattyq mádenıetke, tózimdilikke baýlyǵan ult saıasatynyń arqasynda Qazaqstannyń kóp ulysty halqy bir jaǵadan bas, bir jeńnen qol shyǵaryp otyr. Bul iste Qazaqstan halqynyń Assambleıasy sekildi aıryqsha ınstıtýttyń da eńbegi zor. Ol Elbasynyń ózine júktegen mindetterin abyroımen oryndap, búgingi kúni qazaqstandyqtardyń túsinistikke bastaıtyn únqatysý alańy bolyp otyr. Nadejda NESTEROVA, Parlament Májilisiniń depýtaty.BEREKE BASY – BIRLIK
Qazaqstan men Ýkraınany jylylyq pen izgilik, dostyq qarym-qatynas baılanystyrady. Elderimiz táýelsizdikke bir kezeńde qol jetkizdi. Bizdiń ortaq tarıhymyz, ortaq taǵdyrymyz boldy. Alaıda, búginde Ýkraına óz tarıhyndaǵy qıyn-qystaý kúnderdi bastan keshýde. Bul oraıda, biz baýyrlas el retinde Ýkraınada bolyp jatqan jaǵdaılarǵa nemquraıly qaramaıtynymyzdy aıtqymyz keledi. Sebebi, qazirgi tańda Kıevte, Ýkraınanyń ózge qalalarynda bolyp jatqan jaǵdaılar eshkimdi beıjaı qaldyra almaıdy. Kez kelgen elde, kez kelgen qoǵamda turaqtylyqtan, kelisim men beıbitshilikten asqan qundylyq joq. Buǵan Qazaqstan jerindegi 130-dan astam etnos ókilderiniń tatýlyqta tirshilik keship, konfessııalardyń ózara kelisimde eńbek etip jatqany – aıqyn dálel. Bul oraıda, Ýkraınada bolyp jatqan jaǵdaılardy saıasılandyrýdan aýlaqpyz. Biraq ta, dúnıejúzinde turaqtylyq pen tynyshtyq ornaǵan memleket qana ilgeri damyp, ekonomıkasyn da, áleýmettik áleýetin de nyǵaıta alatynyn ýaqyttyń ózi dáleldep berdi. Men kúsh kórsetýdiń kez kelgen túrine jáne memlekettegi jaǵdaıdy ýshyqtyrýǵa túbegeıli qarsymyn. Bul qoǵamdy túrli qarama-qaıshylyqtarǵa uryndyrýy múmkin. Ýkraınada oryn alǵan jaǵdaılar kezinde qanshama beıbit turǵynnyń ómirleri qıyldy, qanshama azamat zardap shekti. Sonda mundaı qarama-qaıshylyqtardy beıbit jolmen sheshýge bolmas pa edi? Biz bul rette, kúsh qoldanýdyń, shıelenis pen tártipsizdikterdiń óristeýi eldi saıası daǵdarystan alyp shyǵa almaıtynyn túsinýimiz kerek. Sondyqtan, Qazaqstannyń árbir azamaty elimizdegi beıbit ómirdiń, dostyq pen birliktiń, kelisim men syılastyqtyń, tatýlyq pen tynyshtyqtyń qadirin jete túsinýi, Memleket basshysynyń bastamasymen qurylǵan etnosaralyq jáne konfessııaaralyq qarym-qatynastardy úılestiretin ınstıtýt – Qazaqstan halqy Assambleıasynyń qyzmetin aıryqsha baǵalaýy kerek dep sanaımyn. Tamara ShIRMER, Qazaqstan halqy Assambleıasynyń múshesi.TILEITINIMIZ – TYNYShTYQ
Sońǵy aptalardaǵy Ýkraınadaǵy saıası jaǵdaı ýkraın halqymen birge, qazaqstandyqtardy da alańdatyp otyr. Qaqtyǵystar kezinde qaza tapqan jáne jaralanǵan adamdardy, sondaı-aq, bir-birine óshpendilikpen qarsy turǵan toptardy kórgende, beıbitshilikte, yntymaq pen birlikte ómir súrgenniń bárinen de qymbat, erekshe ekendigin shynaıy sezinedi ekensiń. Osyndaıda Prezıdentimizdiń áýel bastan-aq halyq birligin, etnosaralyq dostyq máselesin alǵashqy oryndardyń birine qoıyp, sol baǵyttaǵy ómirsheń bastamalary men ıgi isteri esimizge túsedi, kóz aldymyzǵa keledi. Búginde qazaqstandyqtardyń barlyǵy Elbasymyzdyń qıyn kezeńderde qolǵa alǵan, olardy oıdaǵydaı júzege asyrǵan saıasatynyń nátıjesin kórip, kýá bolyp otyr. Demokratııalyq reformalardy tereńnen oılastyryp, jan-jaqty zerttep baryp júrgizbese óte qıyn. Onyń sońy aýyr zardaptarǵa soqtyrǵany jónindegi mysaldar jetkilikti. Oǵan kórshimiz Qyrǵyzstandaǵy birneshe ret qaıtalanǵan tóńkerister men janjaldar dálel bolady. Buǵan, sondaı-aq, Ýkraınadaǵy adam ólimine soqtyrǵan qaqtyǵystardy qosar edik. Kıevte bastalǵan qorqynyshty áreketter qazirgi kezde Qyrym avtonomııalyq respýblıkasyn sharpyp otyr. Osyndaı jaǵdaılar Ýkraınanyń ekonomıkasyn quldyratyp jiberdi. El defolt aldynda tur degen sózder de aıtylýda. Onyń zardaby qarapaıym halyqtyń moınyna túsedi. Biz Ýkraınada turaqtylyqtyń ornaýyn tileımiz. Saıası turaqsyzdyq eldi ósirmeıdi, qaıta óshiredi degimiz keledi. Sherzod PÝLATOV, Astana qalasyndaǵy ózbek etnomádenı ortalyǵynyń tóraǵasy.