Qaraǵandyda 19 jastaǵy jigit zeınetkerge shabýyl jasap, onyń aqsha salynǵan sómkesin alyp ketken, dep habarlaıdy Egemen.kz.
Polisia.kz saıtyniń málimetinshe, 21 qarashada Qaraǵandy polısııasyna kóshede qaraqshylyq shabýyl jasalǵany týraly habarlama túsken.
«Belgisiz bireý 81 jastaǵy zeınetkerdiń basynan soǵyp, sómkesin alyp ketken. Sómkede 12 myń teńge men qujattar bolǵan. Oqıǵa ornyna jaqyn mańda ornatylǵan beınebaqylaý kameralarynan kúdiktiniń baǵyty anyqtaldy», delingen habarlamada.
Tártip saqshylary izin sýytpaı, 19 jastaǵy er adamdy ustady. Aıǵaqty zat tárkilendi, jasóspirim zeınetkerdi tonaǵanyn moıyndady. Qylmystyq kodekstiń 191-baby «Tonaý» boıynsha qylmystyq is qozǵalǵan.