Dıplomatııalyq korpýs ókilderimen kezdesý

«Nur Otannyń» 15 jyldyǵy qarsańynda «Nur Otan» partııasy Tóraǵasynyń birinshi orynbasary Baýyrjan Baıbektiń dıplomatııalyq korpýs ókilderimen kezdesýi ótti. Kezdesý barysynda dıplomattar El­basy, «Nur Otan» partııasynyń Tór­a­ǵasy N.Á.Nazarbaevtyń saıa­sa­tynyń arqasynda «Qazaqstan-2050» Stra­tegııasyn júzege asyrýǵa, partııanyń ishki saıası turaqtylyqty nyǵaıtýǵa, aza­mattyq kelisim men birigýge baǵyt­talǵan jumysy jóninde jan-jaqty maǵlumat aldy. «Nur Otan» partııasynyń jemisti jumysy bárimizge aıan. Sapaǵa mán bergen jumystyń arqasynda ol halyqtyń keń qoldaýyna ıe boldy. Sońǵy 15 jylda Qazaqstan tez jáne qaryshtap damyp keledi, ıaǵnı halyqtyń ál-aýqaty da jaqsara túsýde, osynyń bári partııa men onyń músheleriniń eńbegi. «Nur Otan» partııasy men onyń múshelerin 15 jyldyǵymen quttyqtaımyn, respýblıka men eldiń ıgiligi úshin burynǵydan da zor tabystar tileımin!» – dep partııanyń atyna baılanysty óz lebizin bildirdi Mońǵolııanyń Qazaqstandaǵy Tótenshe jáne ókiletti elshisi Jaǵır Sýhýee. «Nur Otan» partııasyn Germanııa Federatıvtik Respýblıkasynyń Tótenshe jáne ókiletti elshisi Hıdo Hers te quttyqtady: «Nur Otan» partııa­syn 15 jyldyǵymen quttyqtaımyn! Maǵan «Nur Otan» partııasynyń sentrıstik baǵyt ustanatyny unaıdy. Bul – partııanyń eldiń saıası ómirine belsene aralasýdaǵy úzdik tásili. Memleket basshysy, partııa Tóraǵasy Nursultan Ábishuly Nazarbaevqa partııanyń 15 jyldyq jemisti jumysyna baılanysty óz quttyqtaýymdy bildirgim keledi!» – dedi H.Hers. Dıplomatııalyq korpýstyń ókilderi ashyqtyq, eseptilik, tıimdilik pen jaýapkershilik ustanymyna negizdelip qurylǵan jańa úlgidegi «Nur Otan» partııasynyń jumysymen tanysty. Kezdesýge kelgender Respýblıkalyq qoǵamdyq qabyldaýdyń jumysy, iske qosylǵan «Elektrondyq partııa» jobasy jaıly habarlandy. Dıplomattar azamattarǵa qabyldaý júrgizetin ból­meler men sıtýasııalyq ortalyqta boldy. Elimizde barlyǵy 240 qoǵamdyq qabyldaý bólmeleri jumys isteıdi, ótken jyl barysynda oǵan 800 myń adam júgingen, olardyń 130 myńy memlekettik organdarǵa jiberildi. HV sezde qabyldanǵan partııanyń jańa Saıası doktrınasy «Nur Otannyń» el ishinde ǵana emes, sonymen qatar, shetelderde de neǵurlym tııanaqty jáne tıimdi ornyn tabýyna múmkindik týǵyzdy. Partııanyń ıdeologııalyq tuǵyrnamasy – sentrıstik, basqa partııalarmen qatynasty qalyptastyra otyryp, jańa ıdeologııalyq baǵytta halyqaralyq yntymaqtastyqty júıe­leýge kómektesedi. «Egemen-aqparat».