Koronavırýs ınfeksııasynyń taralýyn toqtatý maqsatynda Aýstrııa úkimeti jalpyulttyq lokdaýn jarııalady.
Osylaısha, Aýstrııa pandemııanyń osy tolqynynda tolyqtaı karantın jarııalaǵan alǵashqy Eýropa memleketi bolyp otyr. Sonymen qatar Aýstrııa – azamattaryna jappaı vaksına alýdy mindettegen alǵashqy el. Jańa zań kúshine aqpanda enbek.
Úkimettiń habarlaýynsha, vırýs juqtyrǵandar sany keıingi aptada úsh ese ósken. Aýrýhanalarda jaqyn arada oryn bolmaý qaýpi bar. Sondyqtan el úkimeti 10 kúndik karantın jarııalaýǵa májbúr bolyp otyr. Olardyń habarlaýynsha, qajet jaǵdaıda karantın 20 kúnge sozylýy múmkin.
Azamattar azyq-túlik dúkenderi men dárihanalardan basqa, aýrýhanaǵa kórinýge ǵana bara alady.
Aýstrııa kansleri Aleksandr Shallenberg bul shekteýdi juma kúni tanystyrdy. Vaksınanyń tolyq komponentin alǵan azamattar shekteýlerge qatysty narazylyq bilirdi. Olar bul sheshimniń ádil emestigin alǵa tartady.
Aýstrııa halqynyń 66 paıyzy, ıaǵnı 8,9 mln azamat tolyq vaksına alǵan. Osyǵan deıin úkimet tek qana vaksına almaǵandarǵa shekteý jasap kórýge tyrysty. Degenmen halyqtyń belgili bir bóligin ǵana shekteý eldegi ınfeksııanyń taralýyn azaıtpady.