Úlken ister údesi

Keshe Ortalyq kommýnıkasııalar qyzmetinde «Samuryq-Qazyna» UÁQ» AQ-tyń basqarma tóraǵasy О́mirzaq Shókeev baspasóz máslıhatyn ótkizdi. Ol ótken jylǵy jumystardyń qorytyndylary týraly baıandap, qordyń alǵa qoıǵan maqsattary jóninde áńgimeledi. «Samuryq-Qazyna» qory eli­miz­diń eń úlken kompanııa­sy. Munda memleketimizdiń strategııalyq mańyzy bar barlyq aktıvteri shoǵyrlandyrylǵan. Sondyqtan buqaralyq aqparat quraldarymen múmkindiginshe jıi-jıi baspasóz máslıhattaryn ótkizip, qordaǵy jaǵdaımen halyqty habardar etip otyrý negizgi mindetimizdiń biri. Al endi qordyń qazirgi qarjylyq jaǵdaıyna toqtalsam, dál búgin onyń aktıvteri 14 trln. 543 mlrd. teńgeni quraıdy. Qorda 340 myń­nan astam adam eńbek etedi. О́tken jyldyń qorytyndysy boıynsha taza paıdasy 641,2 mlrd. teń­gege shyqty. Qor jylyna 4 trln. teńgeden astam taýarlar men qyz­metterdi satyp alady. Osynyń 70 paıyzdan astamy otandyq ónim óndirýshilerdiń úlesine tıedi, dedi basqarma tóraǵasy. «Eır Qa­zaqstan» jańa áýe kompanııasy keler jyly jumysyn bastaıdy eken. «Biz mamyr aıyna deıin kompanııany tirkep, ope­rator tartýymyz qajet. Al jyl sońyna deıin ushaqtar satyp ala­myz. Buıyrtsa, kelesi jyldyń basynan áýe kompanııasy ashylady dep josparlap otyrmyz», dedi О́.Shókeev. Búginde áýe kompanııalaryna qaýipsizdik talaptar kúsheıtilip otyrǵanyna qatysty da óz pikirin bildirdi. «Elimizde bul salada monopolııa bolmaýy tıis. Sol sebepti Prezıdent tapsyrmasy boıynsha ekinshi otandyq áýe kompanııasyn ashýdy jón sanadyq. Jospar boıynsha osy jyly 10 ushaq jetkiziledi. Olar oblysaralyq áýe jelilerinde qyzmet etedi. Eki áýe kompanııasy áriptestik qarym-qatynasta jumys jasaıdy. Biz ekeýine de aksıonermiz, olardyń múd­delerin ózimiz úılestirip oty­rýǵa áreket etemiz. Desek te, bul salada básekelestik bolýy tıis dep oılaımyz», dedi qor jetekshisi. Eldegi birqatar bankterdiń qyz­meti de áńgime arqaýyna aınal­dy. Daǵdarys kezinde ekinshi deń­geı­li bes banktiń kapıtalyna quıyl­ǵan qarjynyń 200 mlrd. teń­ge­den astamy qaıtarylypty. «Qor «Alıans Bank», «Temirbank» jáne «BTA Bank» AQ-tyń kapıta­ly­nan shyǵyp jatyr. Búginde olar jekeshelendirildi. Sońǵy qujattar ázirlenip, qol qoıylýda. О́te sát­ti bolǵan operasııa dep aıta ala­myn. О́ıtkeni, ekonomıkada jeke­menshik basqarý memlekettik bas­qarýdan tıimdi bolyp sanalady», dedi О́.Shókeev. Basqarma tóra­ǵasy kezinde Ulttyq qordan bank­terdiń kapıtalyna 332 mlrd. teńge quıylǵanyn da nazardan tys qaldyrmady. «Bes bank – «Alıans Bank», «Temirbank», «BTA Bank», «Qazkommersbank» jáne «Halyq Banki» AQ-tyń kapıtalyna qarjy quıyldy. Sońǵysyna bólingen qarjy tolyǵymen qaıtaryldy. Úsh bankten qaıtarylǵan aqsha qazir 200 mlrd. teńgeden asty. «Qaz­kom­mersbankte» qalǵan úlesimizdi sat­qan kezde qalǵan qarajat qaı­ta­rylady, dedi bul jóninde О́.Shókeev. Sala basshysy Elbasynyń Úkimettiń keńeıtilgen otyrysynda bergen tapsyrmalary týraly da aıtty. «Birinshi, qordyń búkil qyzmetkerleriniń aılyq jalaqysy sáýirden bastap 10 paıyz ósirildi. Buǵan 47 mlrd. teńge bólindi. Ekinshi, kásiporyndardy jekeshelendirý isi. Ol jumystar atqarylyp jatyr. Úshinshi, múgedek jandarǵa jumys berý sharasy. Bizdiń júrgizgen zert­teýlerge qarasaq, qorda 1092 múm­kindigi shekteýli jandar qyzmet ete­di eken. Buıyrtsa, bıyl bul kór­set­kishti eki esege ósiremiz degen nıet, josparymyz bar», dep qory­tyndylady sózin О́.Shókeev. Nurbaı ELMURATOV, «Egemen Qazaqstan».