Elimizde 24 adam Qazaqstan esimimen atalsa, 28 adam Semeı qalasynyń atyna ıe, dep habarlaıdy Egemen.kz.
Ranking.kz habarlanǵandaı, 2021 jylǵy 1 qazandaǵy jaǵdaı boıynsha elimizde 19,1 mln adam turady. Bul bir jyl burynǵyǵa qaraǵanda 1,3%-ǵa artyq. 2020 jyldyń uqsas kezeńinde halyq sany 18,8 mln adamdy quraǵan.
Halyqtyń basym bóligi, ıaǵnı, 2,1 mln adam Almaty oblysynda turady. Odan keıin Túrkistan oblysy (2,1 mln adam) men Almaty (2 mln adam) ornalasty.
«О́ńirlerdiń jetekshi úshtigine Qazaqstanda turatyn barlyq qazaqstandyqtardyń úshten biri keldi», delingen habarlamada.
Halyq sany boıynsha eń az óńir Soltústik Qazaqstan oblysy bolyp tabylady - 539,4 myń adam.
18 qarashadaǵy jaǵdaı boıynsha bizdiń elimizdiń ataýyn, ıaǵnı Qazaqstan esimin 24 adam ıelendi.
Anyqtalǵandaı, Qazaqstan esimdi adamdardyń kópshiligi Aqmola oblysy men Nur-Sultan qalasynda turady, ár óńirde alty adamnan.
Qaraǵandy oblysynda tórt Qazaqstan, Qostanaı oblysynda — úsh, Shymkentte — eki, Almaty, Batys Qazaqstan jáne Mańǵystaý oblystarynda - bir-birden turady.
Qazaqstandyqtar balalardy elimizdiń eń iri qalalarynyń qurmetine de ataıdy.
Mysaly, 28 adam Semeı, 21 — Almaty, 18 — Túrkistan degen esimdermen ataldy.
Sonymen qatar, Qazaqstanda Atyraý atymen 15 adam, Taraz — 14, Qostanaı — 12, Aqtaý — 11, Nur-Sultan - 10, Shymkent — úsh, Aqtóbe men Taldyqorǵan dep bir adamnan ataldy.