Elordaǵa qazan aıynyń sońynda kelgen eki kúdikti osy ýaqytqa deıin segiz ret urlyqqa túsken, dep jazady Egemen.kz Nur-Sultan qalasy Polısııa departamentiniń baspasóz qyzmetine silteme jasap.
Olar qala aýmaǵyndaǵy jeke menshik sektordaǵy úılerge terezeni buzyp kirip, altyn buıymdar, kompıýterlik tehnıka, uıaly telefon, oıyn prıstavkasy jáne basqa da zattardy urlaǵan. Urlaǵan zattardy jabyq bazardaǵy alyp-satarlarǵa satyp otyrǵan.
Jedel izdestirý sharalaryn júrgizý kezinde «Saryarqa» aýdanynyń polısııa bóliminiń qyzmetkerleri Shyǵys Qazaqstan jáne Túrkistan oblystarynyń 30 jáne 25 jastaǵy eki turǵynyn ustady. Kúdiktiler buǵan deıin urlyq jáne tonaý faktileri boıynsha birneshe ret sottalǵan bolyp shyqty.
Qazirgi kezde olardyń Almaty qalasynyń aýmaǵynda jasalǵan uqsas qylmystarǵa qatysy bar-joqtyǵy anyqtalyp jatyr. Odan bólek, bir kúdikti 2021 jyldyń sáýirinde Almaty oblysynda bes ret páterge urlyqqa túskeni úshin bas bostandyǵynan aıyrylǵan. Qazirgi kezde ustalǵandar jasaǵan qylmystaryn moıyndady, olardyń astana aýmaǵynda jasalǵan qylmystarǵa qatysy bar-joqtyǵy anyqtalýda.
Kúdiktiler Polısııa departamentiniń ýaqytsha ustaý ızolıatoryna qamaldy, sot aldy tergeý júrip jatyr.