AQSh-tyń Hıýston qalasynda ústel tennısinen álem chempıonatynyń shymyldyǵy túrildi. Bul jarysta erler men áıelderdi qosa alǵanda, barlyǵy 238 sportshy baq synaıdy.
Bes júlde jıyntyǵy sarapqa salynyp jatqan dúbirli dodada Qazaqstannyń namysyn eki oıynshy qorǵaýda. Záýresh Aqasheva (álemdik reıtıngte 170-orynda tur) tusaýkeser kezdesýinde Panamerıka oıyndarynyń jeńimpazy, Pýerto-Rıkonyń ókili Danıelıa Rıosty (184) 4:1 esebimen jeńdi. Endi 1/32 fınalda ol juptyq saıystaǵy Tokıo Olımpıadasynyń chempıony, japonııalyq Mıma Itomen (3) sheberlik baıqasady. Al Anastasııa Lavrova (167) asa shıelenisti básekede Jasóspirimder olımpıadasy men jastar arasyndaǵy álem chempıonatynyń júldegeri, rýmynııalyq Andreıa Dragomanǵa (252) jol berdi. Esep – 3:4.