Jumysqa turýdyń jospary asyra oryndaldy

Basqa-basqa, Saıram hal­qy saýyq-saıran sala bermeı, bir mezgil qolǵa ketpen-kúrek ustamasa, ómirdiń máni, sáni bolmaıtynyn jaqsy túsinedi. Áıteýir, sansyz baptar elin mekendegen halyq Ońtústikke eńbekqor, isker qasıetterimen tanymal. Sodan bolar bul aýdan turǵyndarynyń qolǵa alǵan kásipteri de kóp, sonyń esebinen ashylǵan jumys oryndary da kóp. Kóp eńbek etkenge baqyt ta basyn ıedi ǵoı. Saıramdyqtardyń turmysy baqýatty. Búginde Saıram aýdan boıynsha belsendi kásipkerlik sýbektilerdiń sany 17253 birlikke jetipti. Al, shaǵyn jáne orta kásipkerlik sýbektileri óndirgen ónim kólemi 47,9 mlrd. teńgeni qurap, ósim 7,4 paıyzǵa jetip otyr. Bul salada 26,0 myń adam jumyspen qamtylǵan. Tólengen salyq tólemderi 2,7 mlrd. teńge. «Maksımým» aımaqtyq ınvestısııalyq ortalyǵy» JShS arqyly 113 joba 1165,7 mln. teńgege naqty qarjylandyrylyp, 222 jumys orny ashylǵan. Sondaı-aq, «Bıznestiń jol kartasy-2020» baǵdar­lamasy aıasynda aýdan boıynsha 30 joba qarjylan­dyrylypty. Údemeli ındýstrııalyq-ınnova­sııalyq damý baǵdar­lamasy aıasynda quny 1 mlrd. 664 mln. teńgege 4 joba iske qosylyp, 193 jańa jumys orny ashyldy. Budan bólek, Indýstrııalandyrý kartasyna enbegen basqa da jobalar iske qosylyp, 93 azamat jumyspen qamtyldy. Al ónerkásip salasyna aýdan ekonomıkasyn damytýǵa ótken jyly 10 024,0 mln. teńgege ınvestısııa tartylyp, 764 jańa jumys orny ashylǵan. О́nerkásip salasynda 2014 jyly 5 253,0 mln. teńgege 3 ınvestısııalyq jobalar iske asyp, 220 jańa jumys ornyn ashý kózdelýde. «Sybaǵa» baǵdarlamasy boıynsha 382 bas  iri qara mal alynǵan. 1507 basqa arnalǵan 4 iri mal bordaqylaý alań­dary salyndy. 1 et óńdeıtin, 1 sút óńdeıtin sehtar is­ke qosylsa, 106 basqa arnal­ǵan 1 sút taýarly fermasy jumysyn bastady. Jalpy, aýyl sharýashylyǵy salasyna ótken jyly 1 949,8 mln. teńgege ınvestısııa tartylyp, 340 jańa jumys oryndary ashyldy. Jalpy alǵanda, Saı­ram aýdany boıynsha «Ju­myspen qamtý-2020» baǵdarlamasy aıasynda 2099 adamdy jumyspen qamtý josparlansa, 3388 adam qamtylyp, jospar 161,4 paıyzǵa oryndalǵan. Adal eńbek etkenniń qashanda kóńili shat. «Berekeni kókten tileme, etken eńbekten tile» degen dana Abaıdyń aıtqanyn is júzinde dáleldep otyrǵan saıramdyqtardyń búgingi tirligi árbir qazaq balasyna úlgi-ónege bolatyny sózsiz. Oralhan DÁÝIT, «Egemen Qazaqstan». Ońtústik Qazaqstan oblysy, Saıram aýdany.