Ońtústikte mal sharýashylyǵyn damytýdyń úsh jyldyq, ıaǵnı 2014-2016 jyldarǵa arnalǵan jospary ázirlendi. Mundaǵy maqsat ár bastan alynatyn ónimniń ónimdiligin kóterip, sapasyn jaqsartý arqyly ónimniń básekege qabilettiligin arttyrý bolyp tabylady. Is-sharany júzege asyrýǵa bıýdjet, qarjy ınstıtýttary tarapynan 21,2 mlrd. teńge jumsalatyn bolady.
Jalpy, Ońtústik Qazaqstan oblysy respýblıka boıynsha tirideı salmaqta et óndirýde úshinshi, sút óndirýde ekinshi, jumyrtqa óndirýde altynshy orynda tur. Bul salada ónimdilikti arttyrýdyń basty joly sapaly mal azyǵymen qamtamasyz etý. Bul turǵyda egistik alqaptaryn ártaraptandyrý barysynda mal azyǵy daqyldarynyń egis kólemin ulǵaıtýǵa basymdyq berilip, 2016 jylǵa deıin ol 100,0 myń gektarǵa artyq egiletin bolady. Osy kólemdi ıgerýge jańadan 542 tehnıka alýǵa 2,4 mlrd. teńge josparlanýda.
Sondaı-aq, sútti baǵyttaǵy iri qara mal salasyn damytý 3 baǵytta júrgiziletin bolady. 2016 jyldyń sońyna deıin oblysta jalpy 13 taýarly sút fermalaryn ashý josparlanýda. Qazirdiń ózinde 5 taýarly sút fermalarynyń naqty ıeleri anyqtalyp, 2 650 bas iri qara mal satyp alý josparlanýda. Qazirdiń ózinde shetelden satyp alynǵan 890 bas asyl tuqymdy maldyń sany 1600-dan asty. Osyǵan baılanysty qosymsha mal bordaqylaý alańdaryn ashý qajettiligi týyndap, is-shara aıasynda 10-15 basqa arnalǵan 1151 birlik mal bordaqylaý alańdaryn ashý josparlandy.
Jańadan ashylatyn selolyq tutyný kooperasııasyna 33 477 myń teńge qarastyrylyp otyr. «Agrarlyq nesıe korporasııasy» AQ «Aýyl turǵyndarynyń aýylsharýashylyq ónimderin birlesip daıyndaý, qaıta óńdeý, saqtaý, tasymaldaý jáne satý» baǵdarlamasy arqyly jyldyq 6 paıyzdyq ústemesimen 1,0 mln. teńgeden bastap, 10 jylǵa nesıe alyp, jumys jasaıdy. Iri qara mal etiniń áleýetin arttyrýda, oblysta júzege asyrylyp jatqan «Sybaǵa» baǵdarlamasy aıasynda alynǵan asyl tuqymdy buqalardy bordaqylaý arqyly óndirilgen etti alys, jaqyn shetelderge shyǵarý maqsatynda 2016 jyly oblys kóleminde iri bazalyq tutyný kooperasııasy qurylýy tıis.
Oblysta 3,6 mln. bas qoı bar. Aldaǵy ýaqytta bııazy júndi etti merınos jáne quıryqty qylshyq júndi qoıynyń Ordabasy tuqymyn kóbeıtý máselesi de nazarda tur. О́ıtkeni, qoıdyń Ordabasy tuqymynyń eti mol ári maısyz, qazirgi naryqqa naǵyz qajetti ónim beredi. Oblys ákimi Asqar Myrzahmetov bul joba osy salany óristetýge baǵyttalǵan mańyzdy qadam ekendigin atap ótip, aýdan, qala ákimderine, aýyldyq okrýgtiń ákimderine osy jobany halyqqa jetkizip, tıimdiligi jóninde keńinen túsindirýdi júktedi. «Qaıratty erge mal turar, ónerli erge baq turar» degen, Ońtústiktiń sharýaǵa beıim, qaıratty jigitteriniń shıraq qımyldap, úlken bir tirlikti bastaýǵa osy joba zor múmkindik beretini sózsiz.
Oralhan DÁÝIT,
«Egemen Qazaqstan».
Ońtústik Qazaqstan oblysy.