Big Sky Energy Corporation amerıkalyq kompanııasy bastamashylyq etken arbıtraj prosesinde Qazaqstan jeńiske jetti, dep habarlaıdy Egemen.kz.
«2021 jylǵy 24 qarashada Investısııalyq daýlardy retteý boıynsha halyqaralyq ortalyǵy (IDRHO) janyndaǵy tórelik Trıbýnal Big Sky Energy Corporation amerıkalyq kompanııasynyń bastamasymen Qazaqstan Respýblıkasyna qarsy arbıtrajda Qazaqstannyń paıdasyna sheshim shyǵardy. Talap aryz somasy 460,1 mıllıon AQSh dollary», delingen habarlamada.
Vedomstvo málimetinshe, Qazaqstan Respýblıkasy Trıbýnaldy Qazaqstan men AQSh arasyndaǵy ekijaqty ınvestısııalyq kelisim buzylmaǵanyn dáleldegen. Talapker talaptary tolyǵymen qabyldanbaǵan.
Trıbýnal talapkerdi shyǵyndardy tóleýge mindettedi.Tórelik talap aryzdy Big Sky Energy Corporation amerıkalyq kompanııasy 2017 jylǵy shildede IDRHO erejelerine sáıkes bastaǵany aıtyldy. Tyńdaýlar 2021 jylǵy 4-12 qańtar aralyǵynda onlaın formatta ótti.
«Talapkerdiń negizgi shaǵymdary, Atyraý oblysyndaǵy munaı ken oryndarynda jer qoınaýyn paıdalaný quqyǵy bar «QoJan» JShS kompanııasyndaǵy qatysý úlesin eksproprıasııalaýǵa alyp kelgen, memlekettik organdardyń, talapkerdiń aıtýynsha, zańsyz is-áreketteri sanalady. Is boıynsha Qazaqstan Respýblıkasynyń múddesin QR Ádilet mınıstrligi Reed Smith LLP zań fırmasymen birlesip bildiredi», delingen habarlamada.