Qutqarýshylar Kýzbass qalasyndaǵy shahtadan taǵy bir kenshiniń máıitin anyqtady. Osylaısha, ondaǵy jarylystan qaza bolǵandar sany 11 adamǵa jetti. Bul týraly Kemerovo oblysynyń gýbernatory Sergeı Sıvılevtiń Telegram-daǵy resmı arnasynda málimdedi, dep habarlaıdy Egemen.kz.
«Jańa ǵana qaza tapqan taǵy bir adam týraly belgili boldy. Mert bolǵandar sany 11 adamǵa jetip otyr», delingen habarlamada.
Úkimettiń resmı saıtynan habarlanǵandaı, shahtadan barlyǵy 46 adam, sonyń ishinde qaza bolǵan 11 adam shyǵa almaǵan, qutqarý operasııasy jalǵasyp jatyr.
Aýrýhanalarda óndiristik apattan zardap shekken 43 adam jatyr, olardyń tórteýiniń jaǵdaıy óte aýyr, 39 adam jeńil jáne ortasha aýyr halde. Shuǵyl qyzmetterdegi derekkóz málimetinshe, barlyǵy 46 kenshi zardap shekken.
RF Bas prokýratýrasynyń saıtynda qadaǵalaýshy vedomstvonyń shahtadaǵy tótenshe oqıǵany baqylaýǵa alǵany habarlandy.