Memleket basshysy Qasym-Jomart Toqaev Belgııa Koroldigine resmı saparmen bardy. Bul týraly Prezıdenttiń baspasóz hatshysy Berik Ýálı habarlady, dep jazady Egemen.kz.
«Memleket basshysy eki kúndik sapary aıasynda Brıýsselde Belgııanyń jáne Eýropalyq Odaqtyń basshylyǵymen kezdesýler ótkizedi dep josparlanǵan. Búgin Qazaqstan Prezıdenti Belgııa Koroli Fılıppen júzdesip, Premer-Mınıstr Aleksandr De Kroomen jáne Eýropalyq Keńes prezıdenti Sharl Mıshelmen kelissózder júrgizedi», delingen habarlamada.
Sonymen qatar erteń Qasym-Jomart Toqaev Eýropalyq komıssııa tóraǵasy Ýrsýla fon der Lıaıenmen kezdesedi, sondaı-aq eýropalyq iri kompanııalardyń basshylarymen birqatar kezdesý ótkizedi.