Qyzylorda oblysy Jańaqorǵan aýdandyq prokýratýrasy memlekettik satyp alý zańnamalarynyń saqtalýy baǵytynda ótken jyly 6 tekserý júrgizip, 13 zań buzýshylyqty anyqtady. Sonyń nátıjesinde 8 zań buzýshylyq joıylyp, engizilgen 4 usynystyń qaralý qorytyndysymen 14 qyzmetkerdiń tártiptik jaýapkershiligi sheshildi. Budan basqa, 15 zań túsindirý berildi.
Esepti kezeńde aýdandyq prokýratýra «О́zgent aýyldyq okrýgi ákiminiń apparaty» memlekettik mekemesinde birneshe kósheni ortasha jóndeý jumystaryna oraı ótkizilgen memlekettik satyp alý barysynda Qazaqstan Respýblıkasynyń «Memlekettik satyp alý týraly» jáne «Sybaılas jemqorlyqqa qarsy kúres týraly» Zańdary talaptarynyń saqtalýyna tekserý júrgizip, birqatar zań buzýshylyqtardyń oryn alǵanyn anyqtady. Atap aıtqanda, prokýratýra qyzmetkerleri okrýgtegi Úsenata, Dosanata, Rahmanov, Qunanbaev, Ábdikárimov, Seıfýllın jáne M.Jumabaev kóshelerin ortasha jóndeýge baılanysty jumystaryna tekserý júrgizdi. Onda atalmysh okrýg basshylyǵynyń memlekettik satyp alýdy elektrondy konkýrs tásilimen ótkizý úshin onyń veb-portalyna habarlandyrý jarııalaǵany, sonyń arqasynda konkýrsqa qatysýǵa «Aq-Jol», «Nýr-Stroı LTD» jáne «Shıeli-Jolshy» JShS-men ótinimder usynǵany anyqtaldy. Sol jylǵy 10 qyrkúıektegi ruqsat berý týraly hattamasyna sáıkes, «Aq-Jol» jáne «Nýr-Stroı LTD» JShS qujattary tolyq daıyn bolmaǵandyqtan, konkýrsqa qatysýǵa jiberilmegen. Budan keıin qabyldanǵan qorytyndy hattamaǵa sáıkes, elektrondyq konkýrs boıynsha konkýrsqa qatysýǵa bir ǵana áleýetti jabdyqtaýshy, ıaǵnı «Shıeli-Jolshy» JShS jiberilýine baılanysty ol ótpedi dep tanylǵan. Sondyqtan
О́zgent aýyldyq okrýgi ákiminiń 2013 jylǵy 11 qyrkúıektegi «Bir kózden satyp alýdy júrgizý týraly» ókimine sáıkes, joǵaryda atalǵan kóshelerdi bir kózden satyp alý tásilimen júrgizýge pármen berilgen. Osyǵan baılanysty «Shıeli-Jolshy» seriktestigimen О́zgent aýylyndaǵy Á.Rahmanov, I.Ábdikárimov, Úsenata kóshesi men Dosanata kóshesiniń bir bóligin jáne Aqsýat aýylyndaǵy S.Seıfýllın, M.Jumabaev jáne A.Qunanbaev kóshelerine ortasha jóndeý jumystaryna 46 106 390 teńgege jumystardy memlekettik satyp alý týraly shart jasalǵan.
Qazaqstan Respýblıkasynyń «Memlekettik satyp alý týraly» Zańynyń 40-baby 1-tarmaǵynda memlekettik satyp alý týraly shart oǵan tapsyrys berýshi men ónim berýshi qol qoıǵannan keıin ne konkýrstyq qujattamada kózdelgen sharttyń oryndalýyn qamtamasyz etýdi ónim berýshi tolyq engizgennen keıin kúshine enetindigi kórsetilgen. Osy negizde, sharttyń 66-tarmaǵynda merdiger shartta aıtylǵan barlyq jumystar aıaqtalǵannan keıin, tapsyrys berýshige jumystardyń aıaqtalǵany týraly habarlama jiberetindigi, tapsyrys berýshi jeti kún merzimnen keshiktirmeı shartqa sáıkes, jumystardyń aıaqtalýyn baǵalaý jónindegi komıssııasyn taǵaıyndaıtyndyǵy kórsetilgen. Sharttyń 69-tarmaǵynda jumys komıssııasy shalalyqtardyń tizbesin jasaıtyndyǵy jáne olardy joıý merzimin kórsetetindigi, shalalyqtardyń joıý kúni sharttyń aıaqtalǵan kúni bolyp sanalatyndyǵy, barlyq shalalyqtardyń joıý faktisi oryndalǵan jumys kólemin paıdalanýǵa túpkilikti qabyldaý aktisimen jáne tapsyrys berýshi men oryndaýshy arasyndaǵy qabyldaý aktisimen anyqtalyp, jumystar 2013 jyldyń 15 qazanda oryndalýy tıis dep kórsetilgen.
Sonymen birge, sharttyń 70-tarmaǵynda eger merdiger shartta aıtylǵan merzimde jumysty oryndamasa, tapsyrys berýshi sharttyń sheńberinde óziniń basqa quqyqtaryna zııansyz sharttyń baǵasynan ár bir merzimi ótken kúnge 0,1 paıyz somasynda turaqsyzdyq aıybyn eseptep shyǵaryp otyratyndyǵy, tapsyrys berýshy osy shart boıynsha mindettemelerdi oryndaý merziminiń buzylý jaǵdaılaryn qosa alǵanda oryndaýshy tarapynan shart boıynsha mindettemeler oryndalmaǵan ne tıisinshe oryndalmaǵan jaǵdaıda tolyq kólemde turaqsyzdyq aıybyn kelisim shart baǵasynan 0,1 paıyz somasynda óndirip alýdy qamtamasyz etetindigi kórsetilgen.
Áleýetti ónim berýshi «Shıeli-Jolshy» JShS dırektory A.Abdýllaev 16 qazanda О́zgent aýyldyq okrýginiń ákimi N.Ospanovqa О́zgent aýylyndaǵy Á.Rahmanov, I.Ábdikárimov, Úsenata, Dosanata, S.Seıfýllın, M.Jumabaev jáne A.Qunanbaev kósheleriniń ortasha jóndeý jumystary tolyq aıaqtalýyna baılanysty hat joldap, jumystardy qabyldaý maqsatynda jumysshy komıssııa quramyn bekitip berýin suraǵan. Osyǵan oraı О́zgent aýyldyq okrýginiń ákimi N.Ospanov «Jumys komıssııasyn qurý týraly» ókim shyǵarǵan. Biraq komıssııa joǵaryda atalǵan kóshelerdi ortasha jóndeý jumystarynyń qabyldaýǵa daıyndyǵyn keshendi baǵalaýda shalalyqtardyń tizbesin jasamaı, olardyń joıý merzimin kórsetpeı, formaldy túrde júrgizgen. Soǵan qaramastan, aýyldyq okrýg ákimi «Shıeli-Jolshy» JShSdırektory A.Abdýllaevqa ortasha jóndeý jumystaryn qabyldaý daıyndyǵyna keshendi baǵalaý júrgizgenin habarlap, anyqtalǵan kemshilikter men eskertpelerdi túzetip, jumys komıssııasyna usynýyn suraǵan. Al kemshilikter men eskertpeler báribir joıylmaǵan. Alaıda, ákimdik apparatynyń tıisti qyzmetkerleri kelisim-sharttyń 70-tarmaǵy tolyq oryndalmaǵanyna qaramastan, tapsyrys berýshimen qaralǵan somasynyń 95 paıyzyn aýdaryp jibergen. Olar merziminde jumystardy aıaqtamaǵany úshin óndirip alýǵa tıisti 1 106 544 teńgeniń ósimpulyn qaıtarýdy qamtamasyz etpegen.
Qazaqstan Respýblıkasynyń memlekettik satyp alý týraly zańnamasyn buzý faktisi týraly ózine belgili bolǵan kúnnen bastap on jumys kúninen keshiktirmeı, mundaı áleýetti ónim berýshini nemese ónim berýshini memlekettik satyp alýǵa josyqsyz qatysýshy dep taný týraly talap aryzben sotqa júginýge mindetti ekendigi kórsetilgen. Degenmen, atalǵan Zańnyń talaptary apparattyń tıisti qyzmetkerleri tarapynan oryndalmaı, áleýetti ónim berýshi «Shıeli-Jolshy» seriktestigin shart boıynsha óz mindettemelerin tıisti túrde oryndamaǵany úshin on jumys kúni ishinde talap aryzben sotqa júginbegen.
Qazaqstan Respýblıkasynyń «Sybaılas jemqorlyqqa qarsy kúres týraly» Zańynyń 12-baby 1-tarmaǵynyń 4-tarmaqshasynda sheshimder ázirleý men qabyldaý kezinde zańdy jáne jeke tulǵalarǵa zańsyz artyqshylyq kórsetý, al 5-tarmaqshasynda kimge bolsa da tabys alýǵa baılanysty kásipkerlik jáne ózge de qyzmetti júzege asyrýda zańdarda kózdelmegen kez kelgen járdem kórsetý áreketteri sybaılas jemqorlyqqa jaǵdaı týǵyzatyn quqyq buzýshylyq bolyp tabylatyndyǵy kórsetilgen.
Sondyqtan kelisim-sharttyń 70-tarmaǵyna sáıkes jumystardy ýaqytyly bitirmegeni úshin 0,1 % mólsherinde aıyppuldy óndirýdi júzege asyryp, zań buzýshylyqtardy joıyp, aldaǵy ýaqytta zań buzýshylyqtarǵa jol bermeýge naqty sharalar qabyldap, sybaılas jemqorlyqqa jaǵdaı týǵyzatyn quqyq buzýshylyqtarǵa jol bergen kináli qyzmetkerlerdiń tártiptik jaýapkershiligin qaraý úshin О́zgent aýyldyq okrýgi ákimine usynys engizildi. Nátıjesinde buǵan jol bergen 1 tulǵanyń tártiptik jaýapkershiligi sheshildi.
Rýslan Pirnazar,
Jańaqorǵan aýdany prokýrorynyń kómekshisi,
Qyzylorda oblysy.