Dúnıejúzilik densaýlyq saqtaý uıymy koronavırýstyń qaýipti shtamyna baılanysty juma kúni tótenshe kezdesý ótkizedi, dep habarlaıdy Egemen.kz.
Shuǵyl jıynda Ońtústik Afrıka Respýblıkasy men Botsvanada tabylǵan jańa shtamm týraly talqylanady, dep jazady RIA Novostı.
Buǵan deıin Daily Mail basylymy Ulybrıtanııa ǵalymdary Botsvanada 32 ret mýtasııaǵa ushyraǵan koronavırýs shtamynyń paıda bolǵanyn eskertkenin habarlady.
Mýtasııalardyń kóbi jańa shtamnyń óte tez juǵatynyn jáne vaksınalardyń oǵan áseri tıimsiz bolatynyn kórsetip otyr.
Keıinirek Ońtústik Afrıkanyń ulttyq ınfeksııalyq aýrýlar ınstıtýty jańa shtamm OAR-da tabylǵanyn rastady. Qazirgi tańda koronavırýstyń bul túrin 22 adam juqtyrǵan.
"Kezdesý juma kúni ótedi. Bul jaıly osy máselemen tanys adamdar aıtty. Jıynda B.1.1.529 SARS-CoV-2 shtamy talqylanady", - dep jazdy basylym.
Derekkózdiń sózinshe, DDSU sarapshylary vırýstyń jańa túrine baǵa beredi. Jańa shtamm alańdaýshylyq týǵyza ma, joq pa, sony anyqtaıdy.
OAR-daǵy ınnovasııa jáne epıdemııaǵa den qoıý ortalyǵynyń dırektory Týlıo de Olıveıra jańa shtamǵa alańdap, DDSU-nyń resmı tulǵalarymen osy aptada máseleni talqylaǵanyn atap ótti. Osydan keıin DDSU shuǵyl jınalys ótkizý týraly sheshim qabyldaǵan. Onyń baǵalaýynsha, OAR-dyń Gaýteng provınsııasynda tirkelgen jańa jaǵdaılardyń 90%-y jańa shtammen baılanysty.