Májilis Tóraǵasy Nurlan Nyǵmatýlın Túrkitildes memleketter Parlamenttik Assambleıasynyń jańa Bas hatshysy Mehmet Sıýreııa Ermen aldaǵy jumys baǵyttaryn talqylady, dep habarlaıdy Egemen.kz.
Májilistegi kezdesý barysynda Nurlan Nyǵmatýlın Túrkitildes memleketterdiń Yntymaqtastyq Keńesiniń 8-shi sammıti qorytyndylarynyń tarıhı mańyzdylyǵyn atap ótti.
Nurlan Nyǵmatýlın atap ótkendeı, sonyń ishinde Qazaqstannyń Tuńǵysh Prezıdenti, Túrki keńesiniń Qurmetti tóraǵasy Nursultan Nazarbaevtyń bastamasymen Túrkitildes memleketter yntymaqtastyǵy keńesiniń ataýy «Túrki memleketteri uıymy» ataýyna ózgerdi. «Túrki áleminiń keleshegi - 2040» qujatynyń qabyldanýy, sonymen qatar Túrikmenstannyń uıymǵa baqylaýshy mártebesine ıe bolýy Uıym damýyndaǵy jańa kezeń.
Osyǵan baılanysty, Nurlan Nyǵmatýlınniń pikirinshe, parlamentshilerdi túrki memleketteriniń Parlamenttik Assambleıasyna biriktirý qajet.
Taraptar qyrkúıekte Túrkistanda ótken TúrkPA-nyń mereıtoılyq H plenarlyq otyrysynyń qorytyndysy boıynsha qabyldanǵan Túrkistan deklarasııasyn iske asyrý máselelerin talqylady.
TúrkPA-nyń 2022-2027 jyldarǵa arnalǵan zań jobalaý qyzmetiniń baǵdarlamasyna erekshe nazar aýdaryldy.
Májilis spıkeriniń aıtýynsha, TúrkPA Hatshylyǵynyń mundaı jospardy ázirleýi parlamentshilerge TúrkPA-ǵa qatysýshy memleketterdiń ulttyq zańnamalaryn úılestirý boıynsha júıeli negizde jumys isteýge múmkindik beredi.