Nur-Sultanda jolaýshylar avtobýsy qarsy jolaqqa shyǵyp ketip, basqa avtobýspen soqtyǵysqan, dep habarlaıdy Egemen.kz.
CTS kólik kompanııasynyń baspasóz qyzmeti málimetinshe, jol apaty 26 qarashada saǵat 10.50-de Baıseıitova kóshesiniń boıynda Shaqpaq aıaldamasy mańynda bolǵan.
«№20 baǵyttaǵy avtobýs júrgizýshisi róldi basqara almaı, qarsy jolaqqa shyǵyp ketip, nátıjesinde №39 baǵyttaǵy avtobýspen soqtyǵysqan.
Oqıǵa ornyna kelgen polısııa qyzmetkeri №20 avtobýs júrgizýshisine hattama toltyrdy, is materıaldary prosessýaldyq sheshim qabyldaý úshin anyqtaý bólimine jiberiledi. Júrgizýshi jol qozǵalysy erejesin buzý derekterin tirkeý jýrnalynda kórsetilmegen, jolaýshylar kóligin júrgizý boıynsha 5 jyldyq tájirıbesi bar. Reıs aldyndaǵy medısınalyq tekserýden ótý ýaqyty - 6.00, jelige shyǵýǵa ruqsaty bar», dedi CTS ókili.
Kompanııa málimetinshe, 1961 jáne 1954 jyly týǵan eki jolaýshy áıel dene jaraqatymen aýrýhanaǵa jetkizilgen.
Júrgizýshilerdi avtopark basshylyǵy jumystan shettetip, is tártiptik keńeske jiberiletini aıtyldy.