Qazaqstan Ulttyq Banki Qazaqstan Respýblıkasy Ulttyq qorynyń aktıvterinen shamamen 536 mln AQSh dollary somasyndaǵy tyıym salýdyń alynyp tastalǵany jáne joǵaryda kórsetilgen somanyń Ulttyq Banktiń ıeligine qaıtarylǵany týraly habarlady, dep jazady Egemen.kz.
2017 jylǵy jeltoqsanda Statı tórelik sheshimdi taný týraly syrttaı qaýlyny alǵan bolatyn, keıinnen ol Belgııanyń birinshi satydaǵy sotynyń qaýlysymen rastaldy. Bank New York Mellon bankinde ornalastyrylǵan Qazaqstan Respýblıkasy Ulttyq qorynyń 530 mıllıon dollar somasyndaǵy aktıvteri 2018 jylǵy mamyrdan bastap tyıym salýda boldy.
2021 jylǵy 16 qarashada Brıýsseldiń apellıasııalyq soty Statı tarapynan alaıaqtyq is-áreketter týraly qorytyndy negizinde tómengi sottyń Belgııanyń aýmaǵynda tórelik sheshimdi taný jáne oryndaý týraly sheshiminiń kúshin tolyǵymen joıdy.
Qazaqstan Ulttyq Banki men Qazaqstan Respýblıkasy Ádilet mınıstrliginiń birlesken kúsh-jigeriniń nátıjesinde Ulttyq qordyń joǵaryda atalǵan aktıvteri tyıym salýdan bosatyldy.