Bas prokýratýra bıznes pen azamattardy belgilenbegen jerlerde saýda jasaǵany úshin jazalaýdyń negizdiligin zerdeledi, dep habarlaıdy Egemen.kz.
Bas prokýrordyń orynbasary Bolat Dembaevtyń aıtýynsha, ÁQBtK-niń 204-babynyń 1-bóligi boıynsha jaýapkershilik saýda úshin arnaıy oryndar anyqtalǵan kezde ǵana týyndaýy tıis.
«Olardy oblystyq, qalalyq jáne aýdandyq ákimdikter anyqtaıdy («Jergilikti memlekettik basqarý týraly» Zańnyń 27, 31-baptary). Alaıda, kóptegen óńirlerde mundaı oryndar bolǵan joq, biraq adamdarǵa 12-den 27 myń teńgege deıin aıyppul salyndy», dedi Bas prokýrordyń orynbasary Bolat Dembaev.
Mysaly, Jezqazǵanda saýda oryndary anyqtalǵan joq, osyǵan qaramastan kásipkerler jaýapkershilikke tartyldy. Prokýratýra sharalary boıynsha 38 is toqtatyldy, qalada saýda oryndary anyqtaldy.
«Osyǵan uqsas, elimizdiń basqa óńirinde – Aqmola oblysynyń Zerendi aýdanynda prokýrordyń aktisi boıynsha saýda oryndary anyqtaldy. Nátıjesinde, 26 zańsyz qaýlynyń kúshi joıyldy», dep túsindirdi Bolat Dembaev.
Jalpy, prokýratýra sharalary boıynsha 14 myńnan astam zańsyz ákimshilik is toqtatyldy. Ákimdikterdiń sheshimderimen elimizdiń barlyq óńirlerinde 4 126 saýda orny anyqtaldy.
Jiberilgen buzýshylyqtar úshin 113 tulǵa (87 polısııa qyzmetkeri jáne ákimdikterdiń 26 qyzmetkeri) tártiptik jaýapkershilikke tartyldy.
Bas prokýratýranyń bastamasymen saýda jáne ıntegrasııa mınıstrligi bul máseleni baqylaýǵa aldy.