Qalanyń kommýnaldyq qyzmetteri táýlik boıy kúsheıtilgen rejımde jumysyn jalǵastyrýda. 26-27 qarashaǵa qaraǵan túni elordadan qar polıgondaryna 40 myń tekshe metrge jýyq qar shyǵaryldy, dep habarlaıdy Egemen.kz qala ákimdiginiń resmı saıtyna silteme jasap.
Búgin elordada qar jınaý jumystaryna eki myńǵa jýyq jol jumysshylary men 1700-den astam arnaıy tehnıka jumyldyryldy.
26-27 qarashaǵa qaraǵan túni ǵana elordadan qar polıgondaryna 40 myń tekshe metrge jýyq qar shyǵaryldy.
Qalada barlyǵy tórt qar polıgony, rezervte taǵy 6 polıgon bar. Olardyń árqaısysynda táýlik boıy beınebaqylaý men baqylaýdyń zamanaýı júıesi ornatylǵan, ol arnaıy tehnıkanyń memlekettik nómirin kirý jáne shyǵý joldarynda, kelý ýaqyty men kúninde tirkeýge jáne júktiń kólemi men mazmunyn esepke alýǵa múmkindik beredi.
Aıta ketsek, qys mezgili bastalǵannan beri qalanyń kommýnaldyq qyzmetteri táýlik boıy kúsheıtilgen rejımde jumys istep keledi. Birinshi kezekte, ereje boıynsha, joldarda keptelis bolmaýy úshin qozǵalysy óte qarqyndy ýchaskeler tazartylady. Sondaı-aq ortasha qarqyndy ýchaskeler-alańdar, vokzal mańyndaǵy aýmaqtar, trotýarlar men áleýmettik obektilerge kiretin joldar da tazartylady.
Qys mezgili bastalǵannan beri qaladan 200 myń tekshe metrden astam qar shyǵaryldy, bul 18 myń júk kóligin qurady.