Dúnıejúzilik densaýlyq saqtaý uıymy buryn koronovırýspen aýyrǵan adamdarda «omıkron» shtamyn juqtyrý qaýpi joǵary ekenin eskertti, dep habarlaıdy Egemen.kz.
Bul týraly Rıa Novostı málim etti.
DDSU aqparattyń anyq-qanyǵy aldaǵy kúnderi naqtylanatynyn aıtty. Uıym qazirgi ýaqytta qoldanylatyn PTR testteri ınfeksııanyń jańa shtamyn anyqtaı alatyndyǵyn rastady.
Buǵan deıin DDSU «omıkron» shtamynyń jetkilikti deńgeıde zerttelmegenin, onyń «delta» shtamynan qaýipti bolýy múmkin degen qorytyndy jasaýǵa áli erte ekenin eskertken. Sonymen birge, DDSU vaksına ólim-jitim men aýrýdyń azaıýyna aıtarlyqtaı yqpal etetinin eske salǵan bolatyn.
Buǵan deıin Afrıkanyń ońtústiginde koronavırýstyń jańa shtamy B. 1.1.529 «omıkron» tabylǵan edi, ol óte kóp mýtasııaǵa túsken. 26 qarashada DDSU koronavırýstyń jańa, qatty mýtasııalanǵan nusqasynyń ashylǵanyn resmı túrde jarııalady.
«Omıkron» Eýropanyń birneshe elinde - Germanııa, Chehııa, Italııa, Ulybrıtanııa, Nıderlandy jáne Belgııada anyqtaldy. Sondaı-aq, Gonkong, Izraıl jáne Aýstralııada vırýstyń osy nusqasy tirkelgeni habarlandy.