Qazaqstan men Reseı shekarasynda ekonomıkalyq kontrabandanyń eki oqıǵasy tirkeldi, onyń biri – 40 tonna dızeldi janarmaı bolsa, ekinshisi – 10 tonna bolatyn kópjyldyq ósimdik tuqymyn zańsyz alyp ótýge qatysty.
Naqtyraq aıtsaq, aqpan aıynyń 26-nan 27-ne qaraǵan túni Pavlodar shekara otrıadyna qarasty «О́rlitóbe» ótkizý-baqylaý pýnktiniń baqylaýshylary tirkemesi bar «Volvo» jáne «Mersedes» avtokólikterimen kele jatqan eki otandasymyzdy ustady. Olardan jalpy salmaǵy 40 tonna tartatyn, otyn retinde qoldanylatyn janarmaıǵa degen ruqsat qaǵazdary bolmaı shyqty.
Osy kúni, Oral shekara otrıadyna qarasty «Aqsaı avto» ótkizý-baqylaý pýnktiniń baqylaýshylary «KamAZ» avtokóligimen Reseıge ketip bara jatqan jerlesimizdi ustady. Avtokólikti qaraý kezinde qujaty durys rásimdelmegen 76 qapqa salynǵan, jalpy salmaǵy 10 tonna bolatyn kópjyldyq ósimdik tuqymy tabyldy. Atalǵan derek boıynsha quqyq qorǵaý organdary habarlandyryldy. Ustalǵan júkti Batys Qazaqstan oblystyq sanıtarlyq ınspeksııasyna berý josparlanýda, dep habarlady UQK ShQ baspasóz qyzmeti.