Qazynaly óńirde qýatty serpin bar

Qaraǵandy oblysynyń ákimi áńgimesin óńirdegi epıdemııalyq jaǵdaı týraly qysqasha baıandaý­dan bastady.

– Sońǵy aıda oblys boıynsha koronavırýs ınfeksııasymen aýyrý 2,3 ese azaıdy. Qarasha aıyn­da vırýs juqtyrǵandar sany turaqty kórsetkish aıasyn­­da. Soǵan baılanysty aýrýha­na­lardaǵy ınfeksııalyq oryndar­dyń júktemesi 35%-dan 22,9%-ǵa deıin qysqardy, – dep atap ótti J.Qasymbek.

О́ńir basshysy koronavırýs ınfeksııasy azaıa bastasa da, pan­­demııanyń jańa tolqyny jaǵ­­daıyna árqashan daıyn bolý keregin aıtyp ótti. Rezervte 44 stasıonar men 8 myńnan as­tam medısına qyzmetkeri bar ınfra­qurylymnyń daıyndyǵy qamtamasyz etilgen. Bul rette josparly medısınalyq kómek­ti tolyq kólemde kórsetý saqta­lady. Oblysta koronavırýs ın­fek­sııasyna qarsy jappaı ımmýndaý jalǵasýda. Bul úshin oblysta jetkilikti mólsherde vak­sı­nalyq preparattardyń assortımenti bar. Bıylǵy 29 qara­shadaǵy jaǵdaı boıynsha óńirde ımmýndaýmen jalpy qamtý 64,8%-dy quraǵan.

Oblystyń áleýmettik-eko­no­mı­kalyq damýy boıynsha aıtqan­da, oblys ákimi bıylǵy 10 aıdyń qorytyndylary boıyn­sha ekonomıkanyń barlyq negizgi salalary boıynsha oń kórset­kishterge qol jetkizilgenin málimdedi. О́nerkásip óndirisi 0,1%-ǵa ósip, 3,4 trln teńgege jetti. Onyń ishinde, qara metallýrgııa 12,4%-ǵa, jeńil ónerkásip 11,9%-ǵa, farmasevtıka 5,8 esege ósti.

Oblys basshysynyń aıtýynsha, búginde óńirdegi turǵyn úı qurylysynyń qarqyny Táýel­­sizdiktiń barlyq jyldary ishindegi kórsetkishteriniń re­kord­­t­yq deńgeıine shyqqan. Jyl qorytyndysy boıyn­sha 662 myń sharshy metr tur­ǵyn úıdi paıdalanýǵa berý jospar­lanǵan. Bul ótken jylmen salys­tyrǵanda 25%-ǵa artyq. Aldaǵy ýaqytta 2 600-den astam otbasy memlekettik arendalyq jáne kre­dıttik turǵyn úı alady, onyń ishin­de 621 kópbalaly otbasy bar.

Investısııalyq tartymdy óńir bolyp sanalatyn oblysta 2021 jyldyń sońyna deıin ınvestısııa kólemin 740,3 mlrd teńgege deıin jetkizip, 14 jańa óndiris esebinen 2 myńǵa jýyq jumys ornyn qurý josparlanǵan. Onyń jeteýi qazirdiń ózinde iske qosyldy.

– Bıylǵy 10 aıdyń qorytyn­dysy boıynsha, josparlarda belgilengen kórsetkishterden ozyp kelemiz dep nyq senimmen aıta alamyn. Negizgi kapıtalda 607 mlrd teńgeden astam qarajat bar, onyń 73 paıyzy – jeke ınves­tısııalar, – dep atap ótti spıker.

Oblysta Memleket basshysy­nyń tapsyrmasyna saı, mono­qa­lalardyń ekonomıkasyn ár­taraptandyrý boıynsha bel­sendi jumys júrgizilip jat­qany aıtyldy. Mysaly, Saran qalasyndaǵy burynǵy RTО́ zaýytynyń alańynda «Indýstrııalyq aı­maq» qurylǵan. Qazirdiń ózinde «Iýtong» markaly avtobýstar shyǵaratyn zaýyt jumys isteıdi. Reseılik «Tatneft» kompanııasymen birge KamaTyresKZ avtomobıl shınalaryn shyǵaratyn zaýyttyń qurylysy júrgizilýde. Zaýyt kelesi jyldyń qarasha aıyn­da iske qosylmaq.

Bıylǵy 20 qazanda Qazaqstan Respýblıkasy Prezıdentiniń qatysýymen Jáırem ken-baıytý kombınatynyń jańa polımetall fabrıkasy iske qosyldy. Kásiporynda jylyna 5 mln tonnaǵa jýyq ken óńdeledi. Jańa fabrıka monoqalany keleshekte 100 jylǵa deıingi jumys perspektıvasymen qamtamasyz etedi.

Baspasóz máslıhatynda óńir basshysy Qaraǵandy oblysynda «Aýyl – el besigi» jobasy boıynsha sońǵy úsh jylda 38 aýyldyq eldi mekende joldar jóndelgenin málim etti. Sondaı-aq óńirde 1,5 myń shaqyrym avtojol jóndeýden ótken.

– Respýblıkalyq mańyzy bar 674 shaqyrym trassany jáne jergilikti jeliniń 800 shaqyrymnan astam avtojolyn rekonstrýksııalaý jalǵasýda. Jalpy uzyndyǵy 513 shaqyrym bolatyn Qaraǵandy – Balqash jáne Balqash –Býrylbaıtal jańa jolymen júrý qamtama­syz etildi. Indýstrııa jáne ınfra­qurylymdyq damý mınıstr­liginiń málimetinshe, bul ju­mystardy kelesi jylǵa tolyq aıaqtaý josparlanǵan, – dedi J.Qasymbek.

Sondaı-aq ol kelesi jyly Jezqazǵan – Qyzylorda avtojoly boıynsha  Qaraǵandy oblysynyń ýchaskesinde jol-qurylys jumystary bastalýy tıis ekendigin habarlady. Sapaly jol Jezqazǵan men Sátbaevtyń saýda-kólik baılanysyn kúsheıtýge, sondaı-aq júk tranzıtin arttyrýǵa múmkindik beretinin atap ótti.

J.Qasymbek Qaraǵandy oblysynda balamaly energııa úle­siniń artqanyn atap ótti. Búginde óńirde 5 kún elektr stansasy, 2 bıogaz qondyrǵysy men shaǵyn GES jumys isteıdi. «Jasyl» energetıkanyń jalpy qýaty 200 megavattan asqan.

– Jańartylatyn jáne balamaly energetıkanyń jańa kózderin belsendi túrde salý júrip jatyr. 228 MVt-qa 8 joba iske asyryldy. Balqash mańynda 100 MVt kún elektr stansasy salynýda. Saran qalasynda 100 MVt jáne odan joǵary jınaqtaýyshtary bar gıbrıdti kún stansasynyń qurylysy jos­parlanýda, – dep málimdedi oblys basshysy.

Sonymen qatar ol «Jasyl» energetıka jobalary sheteldik kompanııalardyń qatysýymen júzege asyrylyp jatqanyn, quıylǵan ınvestısııalardyń 100 mlrd teńgeden asqanyn atap ótti.

Oblys ákimi Qaraǵandy oblysynda balalardyń sport mek­tepterine tegin kirýine mıl­lıard­tan astam teńge bó­lin­ge­nin baıan etti. Jan basyna qar­jylandyrý jobasy sport­­tyń 17 túri boıynsha seksııalarǵa 5 myńnan astam jas qaraǵandylyqtardy tartýǵa múmkindik bergen.

– Dene shynyqtyrý men sport­tyń qoljetimdiligi jańa sport alańdaryn salý esebinen qamtamasyz etiledi. Bıyl oblysta 13 iri sport nysany salynýda. Onyń tórteýi aıaqta­lý satysynda. Atalǵan 4 nysan – Uly­taý aýdanynyń Qarsaqbaı aýy­l­yn­daǵy DSK, Jańaarqa aýda­nynyń Jańaarqa kentindegi basseın, Nura aýdanynyń Nura kentindegi kópbeıindi sport ke­sheni jáne Qaraǵandydaǵy Qanat Baısholaqov atyndaǵy sport kesheni, – dep atap ótti J.Qasymbek.

Oblysta oqýshy oryndarynyń tapshylyǵy máselesi de sheshimin ońynan tabýda. 2025 jylǵa qaraı 17 mektep salynady. Onyń tórteýi bıyl salynady. Búginde 166 aýyldyq mektepte jóndeý jumystary júrgizildi. 2025 jylǵa deıin taǵy 299 oqý ornyn jańǵyrtý josparda bar.

– Qazirgi ýaqytta halyqtyń áleýmettik osal toptarynan shyqqan balalar qashyqtyqtan jáne derbes jumys formatynda oqytý úshin kompıýterlik tehnıkamen tolyq qamtamasyz etilgen. Sonymen qatar 1- 4 synyp oqýshylary tegin ystyq tamaqpen qamtylǵan, – dedi óńir basshysy.

Sonymen qatar ol óńirde erekshe balalardy áleýmettik qoldaýǵa kóp kóńil bólinetinin aıtty. Kelesi jyly aýtıstik spektr buzylysy bar balalarǵa arnalǵan ońaltý ortalyǵynyń ashylatynyn atap ótti.

О́ńirde mal sharýashylyǵyn­daǵy óndiristiń artýy esebinen aýyl sharýashylyǵynda turaqty ósim baıqalady. Bıylǵy qıyn­dyqtarǵa qaramastan, dándi da­qyl­dardyń jaqsy jáne sapaly óni­min jınaýǵa múmkindik týǵan.

– Bıyl 940 myń tonnadan astam joǵary sapaly astyq bas­tyryldy. Onyń ishinde 1 jáne 2 synypty 600 myń tonnadan astam bıdaı, 410,5 myń tonna kartop jáne 109,5 myń tonna kókónis jınaldy, – dedi spıker.

Sonymen qatar astyqtyń, kartoptyń jáne kókónisterdiń rezervtik jáne turaqtandyrý qorlary qurylǵan.

Oblys basshysy Qaraǵandy oblysynda ortalyq sýmen qala turǵyndarynyń 98%-y jáne aýyl turǵyndarynyń 89,9%-y qamtylǵanyn atap ótti. Mem­lekettik baǵdarlamalar óńirdiń shalǵaı eldi mekenderinde de sý máselesin sheshýge kómektese­di. Sýmen jabdyqtaý sapasyn jaqsartý úshin 35 ınfraqu­rylymdyq joba iske asyrylýda.

– Prezıdenttiń tapsyrmasyna sáıkes, kelesi jyly Úıtas-Aıdos sýaǵaryn qaıta jańartý boıynsha jobany iske asyrý bastalady. Bul Jezqazǵan turǵyndaryn Qojamseıit ken ornynan sapaly sýmen qamtamasyz etedi. Al bıyl Sátbaevty sapaly aýyz sýmen qamtamasyz etetin Esqula sý tartqyshy iske qosyldy, – dedi J.Qasymbek.

Sonymen birge óńir basshysy oblysta gazdandyrý jumys­tarynyń jalǵasyp jatqa­­nyn habarlady. Kógildir otyn Qara­ǵandy óńiri turǵyndary­nyń         3 myń úıine jetkizilgen. Ja­­qyn­da Qaraǵandy, Temirtaý já­ne Jezqazǵannyń alǵashqy abo­nentterin gazben jabdyqtaýǵa qo­sý bastalmaq. Al tarıfke kel­­­sek, onyń 1 tekshe metri 40,8 teń­­geni quraıdy.

Sondaı-aq Saran qalasyna gaz qubyry salynýda, jumystardy jeltoqsan aıynyń sońyna deıin aıaqtaý josparlanýda. Naý­ryz aıy­nan bastap Jańaarqa, Osa­­karov aýdandarynda jáne Shah­tınsk qalasynda jeliler qurylysy bastalady.

Qaraǵandy oblysy