2014 jylǵy 29 qańtar Astana, Úkimet Úıi
Elektr nemese jylý jelilerine qosýdyń jáne jańartylatyn energııa kózderin paıdalaný jónindegi obektilerdi qosýdyń eń taıaý núktelerin aıqyndaý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 19 qańtardaǵy № 119 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Elektr nemese jylý jelilerine qosýdyń jáne jańartylatyn energııa kózderin paıdalaný jónindegi obektilerdi qosýdyń eń taıaý núktelerin aıqyndaý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 19 qańtardaǵy №119 qaýlysyna (Qazaqstan Respýblıkasynyń PÚAJ-y, 2012 j., №27-28, 368-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Elektr nemese jylý jelilerine qosýdyń jáne jańartylatyn energııa kózderin paıdalaný jónindegi obektilerdi qosýdyń eń taıaý núktelerin aıqyndaý qaǵıdalarynda:
2-tarmaqta:
1) jáne 2) tarmaqshalar mynadaı redaksııada jazylsyn:
«1) jylý jelilerine qosýdyń eń taıaý núktesi - jańartylatyn energııa kózderin paıdalaný jónindegi obektiden jylýmen jabdyqtaýdyń jalpy jelisinde jylý tasymaldaǵyshtyń parametrlerine sáıkes keletin parametrlermen eldi mekendi jylýmen jabdyqtaýdyń jalpy júıesine qubyr oıyǵynyń eń taıaý núktesi;
2) elektr jelilerine qosýdyń eń taıaý núktesi - energııa berýshi uıymnyń kerneý klasy boıynsha sáıkes keletin jańartylatyn energııa kózderin paıdalanatyn energııa óndirýshi uıym energetıkalyq qondyrǵysynyń elektr jelilerimen naqty qosylatyn eń taıaý jeri;»;
mynadaı mazmundaǵy 6) tarmaqshamen tolyqtyrylsyn:
«6) jańartylatyn energııa kózderin paıdalaný obektisi - jańartylatyn energııa kózderin paıdalana otyryp, elektr jáne (nemese) jylý energııasyn óndirýge arnalǵan tehnıkalyq qurylǵylar jáne olarmen ózara baılanysty jańartylatyn energııa kózderin paıdalaný jónindegi obektini paıdalanýǵa berý úshin tehnologııalyq turǵydan qajetti jáne jańartylatyn energııa kózderin paıdalaný jónindegi obektiniń menshik ıesiniń teńgerimindegi qurylystar men ınfraqurylym.»;
mynadaı mazmundaǵy 2-1-tarmaqpen tolyqtyrylsyn:
«2-1. Jańadan salynǵan jańartylatyn energııa kózderin paıdalaný jónindegi obektiler, sondaı-aq paıdalanýǵa berilý merzimine qaramastan, rekonstrýksııalanǵan obektiler kerneý klasy boıynsha nemese jylýmen jabdyqtaýdyń jalpy jelisindegi jylý tasymaldaǵyshtyń parametrlerine sáıkes keletin energııa berýshi uıymnyń elektr nemese jylý jelileriniń eń taıaý núktesine qosylady.»;
5-tarmaq mynadaı redaksııada jazylsyn:
«5. Energııa berýshi uıym ınvestordan ótinim túsken kúnnen bastap kúntizbelik on bes kúnnen keshiktirilmeıtin merzimde elektr jelilerine qosýdyń yqtımal eń taıaý núktelerin tıisti jobalaý qyzmetine lısenzııasy bar mamandandyrylǵan jobalaý uıymdary ázirleıtin «Elektr stansııasynyń qýat berý shemasynda» qaraý úshin ınvestorǵa hat túrinde habarlaıdy.»;
13-tarmaqtyń ekinshi bóligi mynadaı redaksııada jazylsyn:
«Tehnıkalyq sharttardy elektr berýshi uıym tehnıkalyq sharttardy alýǵa arnalǵan ótinimdi qaraý merzimi ótken soń úsh jumys kún ishinde beredi.»;
17-tarmaq mynadaı redaksııada jazylsyn:
«17. Energııa berýshi uıymdardyń jelilerine jańartylatyn energııa kózderin paıdalaný jónindegi obektilerdi qosý alynǵan tehnıkalyq sharttar negizinde obektini paıdalanýǵa bergennen keıin júrgiziledi.».
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.