Jyl basynan beri Qazaqstanda 2,6 mln tonna suıytylǵan munaı gazy óndirildi. Gazdy ishki naryqta negizgi tutynýdyń 60%-dan astamy avtokólikke tıesili. Bul týraly Úkimet otyrysynda Energetıka mınıstri Maǵzum Myrzaǵalıev málim etti, dep habarlaıdy Egemen.kz.
Maǵzum Myrzaǵalıev osy jyldyń qańtar-qazan aılarynda suıytylǵan munaı gazyn óndirý 2,6 mln tonnany nemese 2020 jyldyń uqsas kezeńine 100,3%-dy quraǵanyn habarlady. Jyl qorytyndysy boıynsha suıytylǵan munaı gazyn óndirý 3,2 mln tonna deńgeıinde kútilýde.
«Ishki naryqta suıytylǵan munaı gazyn negizgi tutynýdyń 60%-dan astamy avtokólikke tıesili. 2019 jyldan bastap suıytylǵan gazǵa aýystyrylǵan avtokólik sany 2021 jylǵa qaraı 2,2 esege ósip, 310 myńnan astam birlikke jetti», dedi QR Energetıka mınıstri Maǵzum Myrzaǵalıev.