Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhammed Kýba Elshisi Emılıo Pevıda Pýpomen kezdesti, dep habarlaıdy Egemen.kz Senattyń baspasóz qyzmetine silteme jasap.
Kezdesý barysynda Qazaqstan men Kýba arasyndaǵy ózara qarym-qatynas deńgeıi: saıası ózara is-qımyl, halyqaralyq arenadaǵy yntymaqtastyq, ıadrolyq qarýdy taratpaý jáne qarýsyzdaný máseleleri boıynsha elderimizdiń ustanymdarynyń uqsastyǵy týraly birqatar máseleler atap ótildi.
Muhtar Qul-Muhammed eki jaqty ózara is-qımyldyń qarqyndy damýy men elder arasyndaǵy sharttyq-quqyqtyq bazanyń keńeıýin atap ótti. Ol osyǵan baılanysty eki el azamattarynyń qysqa merzimdi vızasyz saparlary týraly kelisimdi memleketishilik kelisýdiń resmı Gavana rásiminiń aıaqtalýyna úmit artatynyn jetkizdi. Senatordyń pikirinshe, bul qujat saýda-ekonomıkalyq jáne ınvestısııalyq yntymaqtastyqty kúsheıtýge serpin berer edi.