Bangkok bıligi qaladaǵy kólik qozǵalysyn qalpyna keltirdi, dep habarlaıdy ITAR-TASS agenttigi.
Oppozısııanyń «Bangkokty jabaıyq» atty is-sharasy 49 kúnge sozyldy. Onyń barysynda oppozısıonerler qaladaǵy iri kóshelerdi bógep tastaǵan bolatyn.
Búgin kóshe qıylystaryndaǵy barrıkadalar túgel alynyp, kólik qozǵalysy qalpyna keltirildi.
Ereýilshiler endi Bangkoktaǵy Lıýmpını saıabaǵyna qaraı yǵysty. Bir táýlik ishinde munda ondaǵan shatyr ornatyldy. Onda narazylyq aksııasyna qajetti qural-jabdyqtar satylyp, oppozısıonerlerge tamaq ázirlenýde. Tipti, mıtıngten sharshap kelgen ereýilshilerge arnalǵan massaj salondary da bar kórinedi. Al Bangkoktyń soltústigindegi Chaeng Vattana aýdanyndaǵy narazy top bularǵa qosylýdy uıǵarmady. Degenmen, olar da kólik qozǵalysyn qalpyna keltirý maqsatynda kóshedegi bógetterin alyp tastap, aýdandaǵy memlekettik qyzmetkerlerge óz jumystaryna oralýǵa múmkindik bergen eken.
Aıdar О́risbaev.
Derekkóz: Itar-tass.com.
Foto: Itar-tass.com.