QR Tuńǵysh Prezıdenti kúnine oraı Pavlodar qalasyndaǵy hımııa-bıologııa baǵytyndaǵy Nazarbaev Zııatkerlik mektebinde jas dombyrashylardyń oryndaýynda aty ańyzǵa aınalǵan kúıler shyrqaldy, dep jazady Egemen.kz.
Qurmanǵazynyń kúıi «Balbyraýyn», N.Tilendıevtiń «Álqıssa» kúıi, halyq áni «Elim-aı» jáne qyrǵyzdyń kúıi «Mash botoı» shyǵarmasyn Pavlodardaǵy Nazarbaev Zııatkerlik mekteptiń 65 oqýshysy oryndady.
«Uly dala muragerleri» atty dástúrli dombyrashylar fleshmobynda dombyramen qatar, qazaqtyń shańqobyzy, daýylpaz, dabyl, qobyz sııaqty ulttyq aspaptary qoldanyldy.
Aýqymdy sharanyń maqsaty - Ult Kóshbasshysy N.Á.Nazarbaevtyń júrgizip otyrǵan saıasatyna qoldaý bildirý. Ulttyq aspap dombyra men ónerimizdi kúı arqyly nasıhattaý. Patrıottyq shara zııatkerlerdiń boıyna otansúıgishtik qasıetti sińirýge maqsattalǵan.
Sharanyń ereksheligi bir sátte alpystan asa pavlodarlyq zııatker qazaqtyń 4 kúıin oryndady. Aıta keterligi, «Uly dala muragerleri» atty dombyrashylar patrıottyq aksııasy dástúrge aınalǵan. Jyl saıyn QR Tuńǵysh Prezıdenti kúni qarsańynda Nazarbaev Zııatkerlik mektepteriniń barlyq fılıaldarynda biz mezgilde ótkiziledi. Bıylǵy jyly dástúrli aksııaǵa Qazaqstan boıynsha 1000-ǵa jýyq Zııatkerlik mektep oqýshylary qatysty.