Jeti dúrkin «Altyn dop» syılyǵynyń ıegeri Lıonel Messı Fransııanyń lıga birine barǵaly beri oıdaǵydaı nátıje kórsete alar emes. Ispanııanyń «Barselonasy» sapynda jasyndaı jarqyraǵan fýtbolshy «PSJ» sapyna aýysqaly topyrlatyp gol soǵýdy toqtatty, dep jazady Egemen.kz.
Fransııa chempıonatyna aýysqaly beri Messı «PSJ» sapynda segiz márte jasyl alańǵa shyqty. Alaıda ol segiz kezdesýde bar bolǵany bir goldyń avtory atandy. Jalpy sol segiz oıynda Messı qarsylas komandalardyń qaqpasyna 30 márte soqqy jumsaǵan. Alaıda tepken dobynyń kóbi qısyq ketken. Bir sózben aıtqanda bul Messı burynǵy Messıge uqsamaı tur.