Aqpan aıynda Belarýssııa Konstıtýsııany jańartý maqsatynda referendým ótkizedi. Bul týraly Aleksandr Lýkashenko «Rossııa segodnıa» halyqaralyq aqparat agenttiginiń bas dırektory Dmıtrıı Kıselevke bergen suhbatynda aıtty, dep habarlaıdy Egemen.kz.
«BELTA» basylymy Belarýstiń jańartylǵan Konstıtýsııasynyń jobasy jańa jylǵa deıin jarııalanatynyn jáne eger tótenshe jaǵdaı bolmasa, 20 aqpanda referendým ótkizý josparlanǵanyn jazady.
«Qazir joba meniń ústelimde. Qujattar zerdelengennen keıin referendýmǵa shyǵarylady. Ony bir aıǵa jýyq ýaqyt ishinde jarııalaıtyn bolamyz», dedi Aleksandr Lýkashenko óz sózinde.
Memleket basshysynyń aıtýynsha, jańartylǵan Konstıtýsııada úkimet pen parlamenttiń róli kúsheıtilip, olarǵa konstıtýsııalyq mártebe beriledi.