228 eldi mekenge aýyz sý keledi

Aýyl turǵyndarynyń ómir súrý sapasyn arttyrýdy kózdeıtin mańyzdy mindetti mejeli merzimge deıin oryndap shyǵý búginde Qostanaı oblysynyń áleýmettik-ekonomıkalyq damýyndaǵy eń basym baǵyttyń biri bolyp otyr. Oblysta iske asyrylyp jatqan memlekettik baǵ­dar­lamalardyń nátıjesinde aýyl hal­qyn aýyz sýmen qamtamasyz etý máse­le­si de jyldan jylǵa óz sheshimin taýyp, keńestik kezeńnen beri qudyqtan sý iship kelgen kóptegen eldi mekende tur­ǵyn­dar qubyrdan keletin sapaly sýǵa qol jet­kizdi. Búginde óńirde 520 aýyl bar desek, sonyń ishindegi 292 eldi mekenge sý kelip tur. Muny adam basyna shaqsaq, aýyldyq eldi mekenderde ómir súrip jatqan 348 myń turǵynnyń 252,7-si, ıaǵnı 76,6%-y aýyzsýmen qamtylǵan.

Oblystyq energetıka jáne TKSh bas­qar­masynyń basshysy Dáýren Asqa­rov­tyń aıtýynsha, 2020 jyly aýyldyq eldi mekenderdiń sýmen qamtylý deńgeıi 7,9 paıyzǵa ulǵaıǵan. Máselen, 104 aýylǵa syrttan ákelinetin sý taratý pýnkti ornatylyp, nátıjesinde sapaly aýyz sýmen qamtylmaı otyrǵan aýyldar 20,1 pa­ıyzǵa qysqarǵan. Sýmen qamtylmaǵan 228 aýyldyń 207-si qudyqtan sý iship otyrsa, 21 eldi mekenge aýyz sý syrttan ákelinedi.

Bıyl óńirde «Nurly jer» jáne «Aýyl – el besigi» memlekettik baǵdarlamalary aıa­synda memleket qazynasynan bólingen 9,7 mlrd teńge kólemindegi qarjyǵa tur­ǵyn­dardy sapaly aýyzsýmen qamtý bo­ıynsha 32 joba iske asyrylyp jatyr. Dáýren Asqarovtyń sózinshe, búginge de­ıin bul qomaqty qarjynyń 75,5%-y ıge­rilgen.

– Jyl sońyna deıin 18 jobany júzege asyrý josparlanǵan edi, búginde sonyń alta­ýy iske qosylyp, halyq ıgiligine asyp jatyr. Jangeldın aýdanyndaǵy Qa­ra­sý jáne Aqkól aýyldaryna, Jitiqara aýda­nyna qarasty Prırechnyı eldi meke­ni­ne, Qarasý aýdanyndaǵy Oktıabr, Jelez­nodorojnyı, Fedorov aýdanynyń Bannovka, Chehovka aýyldaryna sý qubyry tartyldy. 14 joba aldaǵy jyly aıaqtalady. 2021 jyldyń qorytyndysy boıynsha barlyǵy 10 myńǵa jýyq adam turatyn 19 aýyl ortalyqtandyrylǵan sý qubyrymen qamtamasyz etiledi, – dedi basqarma basshysy.

Bıyl Denısov aýdanyndaǵy Kras­no­armeısk, Qostanaı aýdanyndaǵy Altyn­sarın, Naýyrzym óńirindegi Razdol­nyı, Uzynkól aýdanyna qarasty Ershov, Arqalyqtyń mańaıyndaǵy Úshtóbe, Fedorov aýdanyndaǵy Bannov­ka men Chehovka sekildi 8 aýyl ortalyq­tan­dy­ryl­ǵan sý qubyryna qosylady. Al Fe­do­rov aýdanyndaǵy Sabelevka, Qara­qo­pa, Aleksandropol, Taza Shańdaq, Qamysty Shańdaq, Kravsovo, Torǵaı óńi­rindegi Sarysý men Qalam-Qarasý, Qos­tanaıdyń irgesindegi Shemınov eldi me­ken­derine sý tazartý jáne taratý to­rap­­tary ornatylady.

Munyń syrtynda, bıyl 25 myńǵa jýyq halqy bar 16 aýylda tozyǵy jetken sý qu­byrlary jóndeýden ótti.

Dáýren Asqarovtyń sózine qaraǵanda, 2022 jyldyń 1 qańtaryna deıin aýyl turǵyndaryn aýyz sýmen qamtý deńgeıi 75 paıyzǵa deıin ulǵaıady. Indýs­t­rııa jáne ınfraqurylymdyq damý mı­­nıstr­ligi 2022 jyly Qostanaı ob­ly­­syn­da quny 9,2 mlrd teńge bola­tyn 21 jobany júzege asyrýǵa qol­daý kórsetedi. Mysaly, 1,2 mlrd teńge kólemindegi qarjyǵa Denısov aýda­ny­nyń Prırechenka jáne Okraınka eldi mekenderine sý taratý toraptary men sýmen qamtý qurylǵylary ornatylady. Nátıjesinde, 2023 jylǵa qaraı eki aýylda turatyn 1 myń 128 adam orta­lyq­tandyrylǵan sýǵa qol jetkizedi. So­ny­men qatar Denısov aýdanyndaǵy Sverdlov, Qamysty aýdanyndaǵy Bes­tó­be, Adaevka, Qarabalyqtaǵy Stan­sıon­nyı, Qostanaı aýdanyndaǵy Aısary men Polovınovka, Meńdiqara aýdanyna qarasty Arhıpovka men Mıhaılovka, Sarykól óńirindegi Qaraoba men Krylov, Fedorov aýdanyndaǵy Lenıno sekildi 9 aýyl sapaly aýyz sýmen qamtamasyz eti­le­di, – dedi oblystyq energetıka jáne tur­ǵyn úı-kommýnaldyq sharýashylyǵy bas­qarmasynyń basshysy.

Oblysta Memleket basshysynyń aýyl­dardy aldaǵy tórt jyl ishinde sapaly aýyz sýmen qamtý týraly tapsyrmasyna sáıkes arnaıy jospar ázirlengen. Bul qujat boıynsha, 50 adamnan az turǵyny bar 32 aýyldy joıý jumystary júrgizilmek. Sondaı-aq 2022-2024 jyldar aralyǵynda barlyǵy 20 myńnan astam turǵyny bar 29 eldi mekenge sý qubyry tartylady. Bul maqsatqa 19 mlrd teńge qarjy jumsalmaq.

Qazir aımaq basshysy oblystyq basqarmalar men jergilikti ákimdikterge 2022 jyldyń sáýir aıyna deıin taǵy 15 jobany ázirleýdi tapsyryp otyr. Bul jobalar boıynsha myńnan astam turǵyny bar 3 aýylǵa ortalyqtandyrylǵan sý qubyry tartylyp, 12 eldi mekenge sý taratý toraptary ornatylmaq.

Sonymen qatar 2022 jyldan 2025 jylǵa deıin el kóship ketip jatqan 116 aýylǵa syrttan tasymaldanatyn sý tara­tý toraptary ornatylady. D.As­qa­rov­tyń aıtýynsha, halqy az aýyl­dardy syrttan ákelinetin sýmen qam­tý – ýa­qytsha shara. Bul eldi mekenderde tur­ǵyndar sany kóbeıip jatqan jaǵ­daı­da, ortalyqtandyrylǵan sý qubyry tartylatyn bolady.

Esterińizde bolsa, taıaýda Indýs­tr­ııa jáne ınfraqurylymdyq damý mı­nıstriniń birinshi orynbasary Qaıyrbek О́skenbaev aýyl halqyn aýyz­sýmen qamtýdyń eń tómen deńgeıi baı­qalǵan óńirlerdi ataǵan edi. Onyń ishinde Qostanaı oblysy da bar. Alaıda sońǵy jyldary bul baǵytta óńirde aýqymdy is atqarylyp jatqanyn aıtpaı ketýge bolmaıdy. Al buǵan múddeli basqarma ókilderiniń aıtýynsha, aýyl turǵyndarynyń aýyz sý máselesin she­shý maqsatynda ázirlengen arnaıy jos­­par Memleket basshysy tapsyrǵan mi­n­det­ter­diń 2025 jylǵa deıin 100% oryndalýyn tolyq qamtamasyz etedi.

Qostanaı oblysy