Eldi aman alyp qalatyn ekpe ǵana

Bir-birimen jalǵasa kelip, jarǵa soqqandaı ekpinmen el ishin opyr-topyr etken tajal aýrý­dyń adam talǵamaıtyndyǵy taǵy ras. Alǵashqyda eresekter ǵana sheńgeline ilikse, sońǵy ýa­qyt­ta jasóspirimder men bala­lardyń arasynda da jaıylyp barady. Máselen, jańa oqý jyly bastalǵaly oqýshylardyń dert­ke shaldyǵýynyń 1 257 oqı­ǵasy tirkeldi. Osyǵan oraı aı­maq­taǵy 52 mekteptiń 82 syny­by qashyqtan oqytýǵa kó­shi­rilgen. Sońǵy táýlikterde taǵy da 8 balanyń indet juq­tyr­ǵany belgili boldy. De­mek, karantındik talaptardy bul­jytpaı saqtaý óz aldyna, aýzyn arandaı ashqan jaman tumaýdyń betin qaıtarý úshin mindetti túrde ekpe saldyrǵany durys. Balalardyń jaıy osyndaı bolǵanda, indet joǵary oqý ornynda da jıi kezdese bastady. Aıtalyq, jańa oqý jylynan beri orta arnaýly bilim oshaqtarynyń 164 bilim alýshysy, joǵary oqý oryndarynyń 26 stýdenti dert qarmaǵyna ilikken. Osy arada oqyrmannyń kózin ábden jetkizý úshin taǵy bir derekti keltire ketsek artyqtyǵy bolmas. Indet qaýlap turǵan ótken jyldyń sáıkes merzimimen salystyrǵanda 14 jasqa deıingi balalardyń jaman tumaý juqtyrýy 18, al 15-17 jas aralyǵyndaǵy jasós­pirimder 25 ese kóbeıgen. Mine, osy deneńdi túrshiktiretin derttiń taralýy oılandyrmaı qoımaıdy. Mamandardyń aıtýyna qaraǵanda, birden birge tarap, sharasyz adamdardy ábden basynyp alǵan, aıamastan sheńgelin salyp jatqan jaman tumaýdy aýyzdyqtaý tek qana ekpe alýǵa baılanysty.

О́ńirge qarasha aıynyń 18-in­de eki komponentti Pfizer vak­sı­nasynyń 35 myń dozasy jetkizildi. Mektep oqýshy­la­rynyń arasynda ekpe alýǵa nıet bildirýshiler az emes. Ata-analarynyń jazbasha kelisimi boıynsha 727 oqýshy ekpe almaq. Oblys ortalyǵynda jasós­pi­rim­derdiń alǵashqy toby vaksına alýdy bastap ketti. Oblysqa jetkizilgen vaksına aýdandarǵa taratylmaq. Alǵashqy kezekte 12 men 17 jas aralyǵyndaǵy jasóspirimderdi ekpemen qam­ta­ma­syz etý kózdelýde.

Oblys aýrýhanalary, qo­symsha jabdyqtalǵan mo­bıl­di brıgadalar qazir jaýap­ty iske daıyn. Bilim oshaq­ta­ryndaǵy medısınalyq pýnkt­ter jabdyqtalyp, medı­sı­na qyz­metkerleri arnaıy ádis­te­me­lik daıyndyqtan ótkizildi. Jaýapty naýqanǵa 830 medısına qyzmetkeri jumyldyrylatyn bolsa, onyń 149-y dáriger, 681-i orta medısına qyzmetkerleri.

Aqmola oblysy