Almaty men El-Kýveıt qalalary arasynda aptasyna 2 turaqty áýe reısi jasalýda, dep habarlaıdy Egemen.kz.
Qazaqstan Respýblıkasynyń aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııanyń sheshimine sáıkes 2021 jylǵy 1 jeltoqsannan bastap Kýveıttiń «Jazeera Airways» áýe kompanııasy A320/A20N áýe kemesimen Almaty men El-Kýveıt qalalary arasynda jańa baǵyt boıynsha aptasyna 2 turaqty reıs oryndaýdy bastady.
Reıster sanıtarlyq-epıdemıologııalyq talaptardy qatań saqtaı otyryp jáne áýekompanııasynyń saıtynda jarııalanǵan kestege sáıkes oryndalady.
Atalǵan baǵyt elder arasyndaǵy saýda-ekonomıkalyq yntymaqtastyqty, týrızm men iskerlik áriptestikti damytýǵa yqpal etedi.