AQSh-tyń Las-Vegas qalasyndaǵy MGM Grand arenasynda ótken boks keshinde amerıkalyq boksshy Ostın Ýılıams qarsylasy Kvatavıoýs Keshany (ol da amerıkalyq) ońaı jeńdi, dep habarlaıdy Egemen.kz.
Jekpe-jek uzaqqa sozylǵan joq. Kezdesýdiń ekinshi raýndynda Ostın iske shyndap kiristi. Raýnd ortasyna taıaǵan shaqta onyń sol qolmen jumsaǵan soqqysy qarsylasyna dóp tıdi. Nátıjesinde Kesha rıngke sulq qulady. Tóreshi esep ashpastan kezdesýdi toqtatty.