Qazaqstan Respýblıkasy Bilim jáne ǵylym mınıstrliginiń buıryǵy №360

2013 jylǵy 29 tamyz,  Astana qalasy «Bilim alýshylardyń úlgerimin aǵymdaǵy baqylaý, aralyq jáne qorytyndy memlekettik attestattaý júrgizýdiń úlgi erejesin bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 18 naýryzdaǵy № 125 buıryǵyna ózgerister men tolyqtyrýlar engizý týraly buıyramyn: 1. «Bilim alýshylardyń úlgerimin aǵymdaǵy baqylaý, aralyq jáne qorytyndy memlekettik attestattaý júrgizýdiń úlgi erejesin bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 18 naýryzdaǵy № 125 buıryǵyna (Normatıvtik quqyqtyq aktilerdi memlekettik tirkeý tizilimine № 5191 tirkeldi, «Zań gazetiniń» 2008 jylǵy 30 mamyrdaǵy № 81 (1307) jarııalanǵan) mynadaı ózgerister men tolyqtyrýlar engizilsin: kórsetilgen buıryqpen bekitilgen tehnıkalyq jáne kásiptik, orta bilimnen keıingi bilim berý uıymdaryndaǵy Bilim alýshylardyń úlgerimine aǵymdaǵy baqylaýdy, aralyq jáne qorytyndy attestattaýdy ótkizý erejesinde: 2-tarmaq mynadaı redaksııada jazylsyn: «2. Osy Erejede mynadaı anyqtaýlar paıdalanylǵan: 1) bilim alýshylardyń úlgerimine aǵymdaǵy baqylaý – bul oqytýshynyń pándi oqytý baǵdarlamasyna sáıkes aǵymdaǵy sabaq barysynda ótkizgen bilim alýshylardyń bilimin júıeli tekserýi; 2) bilim alýshylardy aralyq attestattaý – bilim alýshynyń bir oqý pánin ony zerdelep bitirgennen keıin bir bóliginiń nemese búkil kóleminiń mazmunyn meńgerýiniń sapasyn baǵalaý maqsatynda júrgiziletin rásim; 3) bilim alýshylardy qorytyndy attestattaý – olardyń tehnıkalyq jáne kásiptik, orta bilimnen keıingi bilim berýdiń memlekettik jalpyǵa mindetti standartyn meńgerýiniń dárejesin aıqyndaý maqsatynda júrgiziletin rásim; 4) kásiptik daıarlyq deńgeıin baǵalaý – tehnıkalyq jáne kásipti, orta bilimnen keıingi bilim berý uıymdary bitirýshisiniń kásiptik qyzmettiń tıisti túri sheńberinde jumysty oryndaý boıynsha biliktilik deńgeıiniń sáıkestik dárejesin anyqtaý maqsatynda sertıfıkattaý jónindegi organ ótkizetin rásim; 5) sertıfıkattaý jónindegi organ – sáıkestikti rastaý jáne kásiptik daıarlyq deńgeıin baǵalaý qorytyndylary boıyn­sha sertıfıkat berý rásimin uıymdastyrý úshin belgilengen tártipte akkredıttelgen zańdy tulǵa; 6) biliktilik komıssııasy – tehnıkalyq jáne kásiptik, orta bilimnen keıin bilim berý uıymdary bitirýshisiniń kásiptik daıarlyq deńgeıin baǵalaý jáne biliktilik deńgeıin anyqtaý úshin qurylatyn alqalyq organ.»; mynadaı mazmundaǵy 23-1 tarmaqpen tolyqtyrylsyn: «23-1. Tehnıkalyq jáne kásiptik, orta bilimnen keıingi bilim berý uıymdarynda bilim alýshylardy qorytyndy attes­tattaýdy oqý orny bilim alýshylardyń tıisti mamandyqtar boıynsha bilim berý baǵdarlamalaryn ıgerý dárejesin anyqtaý maqsatynda ótkizedi. 24-tarmaq mynadaı redaksııada jazylsyn: «24. Bilim berý uıymdarynda bilim alýshylardy qory­tyndy attestattaýdy ótkizý úshin bilim berý uıymy basshy­synyń buıryǵymen attestattaý emtıhan komıssııasy qurylady. Attestattaý emtıhan komıssııasynyń quramy kásiporyn­dar­dyń joǵary bilikti mamandary, arnaıy pánder oqytýshy­lary, óndiristik oqytý sheberleri jáne oqý ornyn basqarýdyń alqalyq organdarynyń, jumys berýshiler ókilderinen 75% jáne 25%-ǵa tehnıkalyq jáne kásiptik, orta bilimnen keıingi bilim berý uıymdary ókilderiniń araqatynasynda qurylady. 34 tarmaq mynadaı redaksııada jazylsyn: «34. Attestattaý emtıhan komıssııasynyń otyrysy tıisti hattamamen resimdeledi, oǵan komıssııa tóraǵasy, músheleri jáne hatshysy qol qoıady. Tehnıkalyq jáne kásiptik, orta bilimnen keıingi bilim berý uıymdarynda bilim alýshylardy qorytyndy attestattaý nátıjeleri týraly attestattaý emtıhan komıssııasy otyrysynyń hattamasynan úzindiler sertıfıkattaý jónindegi organǵa beriledi.»; mynadaı mazmundaǵy 34-1-tarmaqpen tolyqtyrylsyn: «34-1. Kásiptik daıarlyq deńgeıin baǵalaý jáne biliktilik berý – bilim týraly memlekettik úlgidegi qujat berý úshin qajetti shart bolyp tabylatyn, tehnıkalyq jáne kásiptik, orta bilimnen keıingi bilim berý uıymdarynda bilim alýshylardy qorytyndy attestattaýdyń bóligi. Bitirýshilerdiń kásiptik daıarlyq deńgeıin baǵalaýdy jáne biliktilik berýdi uıymdastyrý úshin sertıfıkattaý jónindegi organ biliktilik komıssııasyn qurady. Biliktilik komıssııasynyń tóraǵasy kásiporyn jáne jumys berýshiler qaýymdastyqtary qatarynan Qazaqstan Respýblıkasy Ulttyq kásipkerler palatasynyń óńirlik palatalarynyń jáne fılıaldarynyń (derbes bilim berý uıymdaryn qospaǵanda) kelisimi boıynsha, al respýblıkalyq baǵynysty bilim berý uıymdarynda Qazaqstan Respýblıkasy Ulttyq kásipkerler palatasynyń (avtonomdy bilim berý uıymdaryn qospaǵanda, 3 retten aspaıtyn) kelisimimen taǵaıyndalady. Biliktilik komıssııasynyń quramyna Qazaqstan Respýblıkasy Ulttyq kásipkerler palatasynyń óńirlik palatalary men fılıaldary ókilderiniń kelisimi boıynsha (derbes bilim berý uıymdaryn qospaǵanda) jumys berýshiler ókilderinen 75% jáne 25%-ǵa tehnıkalyq jáne kásiptik, orta bilimnen keıingi bilim berý uıymdary ókilderinen araqatynasynda kásiporyndardyń ókilderi, arnaıy pánder oqytýshylary, óndiristik oqytý sheberleri, eńbekti qorǵaý jáne qaýipsizdik tehnıkasy jónindegi organdardyń ókilderi kiredi.»; 35 tarmaq mynadaı redaksııada jazylsyn: «35. Bilim alýshylardyń kásiptik daıarlyq deńgeıin baǵalaý jáne biliktilik berý Qazaqstan Respýblıkasy Bilim jáne ǵylym mınıstriniń 2012 jylǵy 18 maýsymdaǵy №281 buıryǵymen (Normatıvtik quqyqtyq aktilerdi memlekettik tirkeýdiń tiziliminde 2012 jylǵy 17 maýsymdaǵy № 7796 tirkelgen) bekitilgen Kásiptik daıarlyq deńgeıin baǵalaý jáne tehnıkalyq jáne qyzmet kórsetetin eńbek kásipteri (mamandyqtar) boıynsha biliktilikti berý qaǵıdalaryna sáıkes júzege asyrylady.». 2. Tehnıkalyq jáne kásiptik bilim departamenti (Q.Q. Bóribekov): 1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin qamtamasyz etsin; 2) osy buıryqty memlekettik tirkeýden ótkennen keıin buqaralyq aqparat quraldarynda jarııalasyn. 3. Osy buıryqtyń oryndalýyn baqylaý bilim jáne ǵylym vıse-mınıstr M.A. Ábenovke júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr B.JUMAǴULOV. Buıryq Qazaqstan Respýblıkasynyń Ádilet mınıstr­liginde 2013 jylǵy 3 qazanda Normatıvtik quqyqtyq kesimderdi memlekettik tirkeýdiń tizilimine №8768 bolyp engizildi.