Germanııanyń Insel qalasynda konkımen júgirý sportynan jasóspirimder arasyndaǵy álem kýbogynyń ekinshi kezeńi bastaldy.
Osydan bir apta buryn Inselde ótken alǵashqy kezeńde bir kúmis, bir qola medal jeńip alǵan qazaqstandyq Alına Daýranova bul joly da júldegerler qatarynan kórindi. 500 metr qashyqtyqta synǵa túsken otandasymyz jarys jolyn 00:39.08 sekýndta júrip ótip, kezekti qola medaline qol jetkizdi. Bul synda altyn jáne kúmis júldeni Nıderland ókilderi jeńip aldy. Bas júlde Pıen Smıtke buıyrsa, kúmisti Djıdý Hokstra enshiledi.
Osylaısha, Alına Daýranova álem kýbogynyń eki kezeńinde úsh júlde oljalady. Birinshi kezeńde ol 1000 metrge jarysýda kúmis, 1 500 metrde qola júldeger atandy.