Aýǵanstanda bılikke kelgen «Talıban» qozǵalysynyń úkimeti BUU Bas assambleıasynan oryn berýdi surady, dep habarlaıdy Egemen.kz.
Bul týraly «Talıban» ókiliniń orynbasary Inamýlla Samanganı Twitter-de habarlady.
Onyń aıtýynsha, qazir Aýǵanstan úkimeti men halqynyń atynan jalǵyz tálipter ókildik etedi jáne BUU-daǵy oryn zań boıynsha tálipterge tıesili. Ol BUU-ǵa sheshim qabyldarda durystap oılanýǵa shaqyrdy.
«BUU-daǵy oryndy Aýǵanstan úkimeti men halqynyń atynan sheshim qabyldaı almaıtyn ókilge berý ádiletsizdik. Bul oryn Aýǵanstan úkimeti men halqynyń quqyǵy jáne ol quqyq saqtalýy kerek. Birikken Ulttar Uıymy osy sheshimdi qaıtadan baıyppen qaraýy qajet», dedi Samanganı.
Tálipterdiń málimdemesi BUU Bas assambleıasy bir kún buryn Aýǵanstan men Mıanmanyń áskerı hýnta bılik etetin uıymda kimniń ókil bolatyny týraly sheshimdi keıinge qaldyrǵanyn estigennen keıin jasaldy. Osylaısha, bul elderdiń qazirgi elshileri bılik aýyssa da óz oryndarynda qalady.