Moıynqumdaǵy qar men aıaz sekseýilderge de sor boldy. «Sekseýil-2014» jedel aldyn alý is-sharalary barysynda Qushaman aýylynyń turǵyny Ernar Buzaýbaev ustaldy. Ol jas sekseýilderdi eshqandaı ruqsat qujatsyz at-shanaǵa tıep alyp kele jatyr eken.
Memlekettik nómiri joq «GAZ-53» markaly avtokóliginiń qorabyna 3 tekshe metr sekseýil artqan júrgizýshisi Erlan Bekbosynov ta óz áreketin «urlyq emes» dep aıta almady.
Memlekettik nómiri N 064 EDM «ZIL-131» markaly avtokóligine 4 tekshe metr sekseýil óskinderin tıep alǵan Vladımır Konovalovtyń «kásibi» de zańsyz bolyp shyqty. Sondaı-aq, memlekettik nómiri N 532 NKM «GAZ-53» markaly avtokóligindegi 3 tekshe metr balaýsa sekseýilderdiń jastaı solǵan «taǵdyry» da osyǵan uqsas. Bul avtokóliktiń júrgizýshisi Eljan Ahanov ta quqyq qorǵaýshylar aldynda adal eńbek etip júrgenin aıtyp, aqtala almady.
Kósemáli SÁTTIBAIULY,
«Egemen Qazaqstan».
Jambyl oblysy,
Moıynqum aýyly.