WBO tujyrymy boıynsha orta salmaqtaǵy álem chempıony Demetrıýs Andradeniń promoýteri Eddı Hırn amerıkalyq bylǵary qolǵap sheberiniń belbeýden bas tartýy múmkin ekenin jetkizdi, dep habarlaıdy Egemen.kz.
«Biz búkilálemdik boks keńesine ereje aıasynda WBC chempıony Djermall Charloǵa qarsy shaıqas uıymdastyrý máselesimen hat jazdyq. Arada bir kún ótkende búkilálemdik boks uıymynan mindetti qarsylaspen kezdesý týraly hat aldyq. Mindetti qarsylastyń kim ekeni beımálim. Ol týraly buryn-sońdy estimegen edik.
Árıne, WBO chempıondar arasyndaǵy shaıqas máselesin sheshe almaıdy. Alaıda olar buǵan kelisim beredi. Bizdiń WBC-ke hat jazǵanymyzdy bilip otyryp, Andradeni qazaq boksshysymen judyryqtastyrý kimge kerek?
Endi biz basqasha sheshim qabyldaýǵa tıispiz. Múmkin Andrade ekinshi orta salmaqqa kóterilip, uıym erejesi aıasynda álem chempıonyna (Saýl Alvares) mindetti qarsylas atanýy kerek shyǵar. Qalaı bolǵan kúnde de bir sheshimge kelemiz. О́ıtkeni eshkim tanymaıtyn qazaqqa qarsy Andrade shyqpaıdy», deıdi Eddı Hırn.