Qazaqstandyq sınoptıkter aldaǵy kúnderi aıaz kútiletinin aıtty, dep habarlaıdy Egemen.kz.
Boljam boıynsha, 9-11 jeltoqsan kúnderi elimizde 35 gradýsqa deıin aıaz kútiledi.
«9 jeltoqsanda el aýmaǵynyń basym bóligine jaýyn-shashynsyz aýa raıyn alyp keletin, keń antısıklonnyń yqpalynda bolady. Solaısha túnde Qazaqstannyń soltústiginde, shyǵysynda jáne ortalyǵynda aýa temperatýrasy 20-25 gradýsqa deıin, keı jerlerde 30 gradýs aıaz bolady. 10 jeltoqsanda Shyǵys Qazaqstan oblysynyń soltústik-shyǵysynda 35 aıazǵa deıin tómendeıdi dep kútilýde.
Eldiń batys óńirlerine Qara teńiz aýdandarynan sıklon áser ete bastaıdy. Ol keıingi eki táýlikte respýblıkanyń qalǵan aýmaqtaryna — shyǵys baǵyttaryna qaraı aýysyp, ózimen birge jaýyn-shashyn (jańbyr, qar), kóktaıǵaq, jeldiń 15-25 m/s kúsheıýin alyp keledi.
11 jeltoqsannyń túninde respýblıkanyń soltústik jartysynda aýa temperatýrasy 5-10-ǵa, keı jerlerde 15-20-ǵa, Shyǵys Qazaqstan oblysynyń soltústik-shyǵysynda 25 gradýs aıaz bolýy múmkin», dep habarlaıdy«Qazgıdromet» RMK baspasóz qyzmeti.