Nur-Sultan qalasynyń bas memlekettik sanıtar dárigeri Sarhat Beısenova «sary» aımaqta merekeler qalaı ótetinin túsindirdi, dep habarlaıdy Egemen.kz.
«Epıdemıologııalyq jaǵdaıdy baǵalaý matrısasyna sáıkes, elorda 26 qazannan bastap «sary» aımaqqa kirdi. Jeltoqsan merekeleri qarsańynda QR Bas memlekettik sanıtar dárigeriniń 2021 jylǵy 24 qyrkúıektegi №44 qaýlysynyń 5-qosymshasy negizinde saltanatty, estelik jáne otbasylyq is-sharalardy (banketter, úılený toıy, mereıtoılar) «sary» aımaqta 50%-ǵa deıin, 70 orynnan asyrmaı, barlyq kelýshiler men qyzmetkerlerdiń «jasyl» mártebesi bolǵan jaǵdaıda ǵana ótkizýge ruqsat etiledi», dedi Sarhat Beısenova ákimdikte ótken brıfıngte.
Sonymen birge, spıker qalanyń «sary» aımaqta bolýy QR Bas memlekettik sanıtar dárigeriniń tıisti qaýlylarymen belgilengen karantın shekteýlerin joımaıtynyn eske saldy.
«Aldaǵy merekeler epıdemıologııalyq jaǵdaıdyń nasharlaýyna jáne koronavırýs ınfeksııasynyń kóbeıýine ákelmeýi kerek jáne bul bizdiń júris-turysymyzǵa jáne aldyn alý sharalaryna tikeleı baılanysty ekenin túsingenimiz jón. Sondyqtan qala turǵyndaryn jańa jyldy kishigirim ortada, óz týystarymen birge ótkizýge shaqyramyn», dedi S. Beısenova.