2022 jyldan bastap qazaqstandyq memlekettik qyzmetshiler, olarǵa teńestirilgender men olardyń jubaılary (zaıyby) kiristeri men múlki týraly 270.00 nysandy deklarasııany usynady. Osyǵan deıin, jalpyǵa birdeı deklarasııalaýdyń birinshi kezeńi aıasynda atalǵan tulǵalar aktıvteri men mindettemeleri týraly deklarasııany tapsyrǵan bolatyn, dep habarlaıdy Egemen.kz QR Qarjy mınıstrliginiń Memlekettik kirister komıtetine silteme jasap.
Jeke tulǵanyń kiristeri men múlki týraly deklarasııanyń nysany men ony toltyrý qaǵıdalary Qazaqstan Respýblıkasy Qarjy mınıstriniń 2021 jyldyń 13 qyrkúıegindegi № 927 buıryǵymen bekitildi.
Kiristeri men múlki týraly deklarasııada jeke tulǵalar kúntizbelik jyl ishinde alynǵan kiristeri týraly (onyń ishinde elimizden tys jerlerde alǵan kiristeri de bar), sondaı-aq memlekettik nemese ózge tirkeýge jatatyn múlikti satyp alǵany nemese ıelikten shyǵarǵany týraly (onyń ishinde elimizden tys jerlerdegi múlik te bar) aqparatty kórsetýi tıis.
Budan basqa, deklarasııada jeke tulǵalar esepti salyq kezeńi ishinde:
- jyljymaıtyn múlikti (páter, úı, jer ýchaskesi jáne t.b.);
- mehanıkalyq kólik quraldaryn jáne olardyń tirkemelerin (avtokólik, tirkeme jáne t.b.);
- zańdy tulǵanyń jarǵylyq kapıtalyna qatysý úlesin;
- baǵaly qaǵazdardy (aksııalar, oblıgasııalar, vekselder jáne t.b.);
- ınvestısııalyq altyndy;
- týyndy qarjy quraldaryn;
- turǵyn úı qurylysyna qatysý úlesin satyp alýǵa jumsaǵan shyǵyndaryn rastap, málimetterdi kórsetýi qajet.
Deklarasııa jeke tulǵanyń turǵylyqty (turatyn) jeri boıynsha usynylady.
Jalpyǵa birdeı deklarasııalaýdyń birinshi kezeńiniń aktıvter men mindettemeler týraly deklarasııasyn (250.00-nysany) tabys etken azamattar úshin kiristeri men múlki týraly deklarasııany tabys etý merzimi:
- qaǵaz túrinde 2022 jyldyń 15 shildesinen keshiktirmeı;
- elektrondy túrde 2022 jyldyń 15 qyrkúıeginen keshiktirmeı.