Fýtboldan Chempıondar lıgasy týrnıriniń toptyq kezeńindegi sońǵy týr oıyndary aıaqtaldy. Sársenbi kúni alǵashqy tórt toptyń matchtary ótip, pleı-offqa joldama alǵan komandalar belgili boldy.
A tobynda merziminen buryn 1-oryn men pleı-off máselesin sheship qoıǵan «Manchester Sıtı» syrt alańda «Leıpsıgten» jeńilip qaldy – 1:2. Ekinshi orynmen 1/8 fınalǵa shyqqan PSJ óz alańynda aýtsaıder «Brıýggeni» Mbappe men Messıdiń dýbli arqasynda iri eseppen jeńdi. V tobynyń kóshbasshysy «Lıverpýl» qonaqta «Mılandy» utyp (2:1), múmkin bolǵan 18 upaıdyń bárin oljalady. Ekinshi matchta «Atletıko» «Portýdan» basym túsip, 1/8 fınalǵa joldama aldy.
Barlyq másele aldyn ala sheshilip qoıǵan S tobynda «Aıaks» sońǵy oıynda «Sportıngti» (4:2) jeńse, Eýropa lıgasyna túsip qalǵan «Borýssııa» (9) Dortmýndta «Beshıktashtyń» tas-talqanyn shyǵardy – 5:0. D tobyndaǵy 1-oryn úshin talasta «Real» «Interdi» ekinshi oıynda da jeńdi – 2:0. Al «Sherıf» syrt alańda Doneskiniń «Shahterimen» teń oınap, Eýropa lıgasynyń pleı-off satysynda oınaýǵa múmkindik aldy.
Sóıtip «Manchester Sıtı», «Lıverpýl», «Manchester Iýnaıted», «Chelsı», «Atletıko», «Real», «Aıaks», «Sportıng», «Inter», «Iýventýs», «Bavarııa» men PSJ klýbtary jarysty odan ári jalǵastyratyn boldy. Sondaı-aq keshe qalǵan 4 toptyń 6-týr oıyndary ótip, pleı-offqa shyqqan 4 komanda belgili boldy.